Туннэ, 26-тӥ декабре, Йӧскалык библиотекаын данъязы Удмурт Республикалэн Правительствоезлэн литературая премиезлэсь лауреатъёссэ.

Та конкурс 2013-тӥ арысен ортчытӥське. Туэ та конкурсэ пыриськиз 27 автор. Ньыль номинациын вормисьёс луизы:
«Устоез чеберлыко литературая произведение (верос, повесть, роман)» номинациын – Алнаш ёросысь Любовь Ганькова «Палтури» книгаеныз.
«Устоез драматургия произведение» — Сарапулысь Юрий Селиванов «Сарапульские юнкера» пьесаеныз.
«Устоез кылбур бичет» — Сарапулысь Татьяна Артюхина «Томный трехтомник» сборникеныз.
«Нылпиослы но егитъёслы устоез произведение» — Ижысь Ольга Арматынская «Чих и другие городские жители» произведениеныз.
Вормисьёсты сиё-дано ӟечкылазы Удмуртиысь печатья но ивор вӧлмытонъя агенстволэн кивалтӥсез Александр Валов но Йӧскалык библиотекалэн кивалтӥсез Татьяна Тенсина. Котькуд лауреат дипломен но 50 сюрс манет премиен пусъемын.
Туспуктэм: udmurt.ru #премия #удмуртлитература #автор