Германія аднавіла выдачу гуманітарных візаў для беларусаў і беларусак

Леанід Марозаў, дарадца па прававых пытаннях Святланы Ціханоўскай:
«Мы вітаем рашэнне Германіі аднавіць выдачу гуманітарных візаў для беларусаў.
Безумоўна, беларускія дэмакратычныя сілы і Офіс Святланы Ціханоўскай адразу адрэагавалі, калі прыём заяў быў прыпынены. Мы вялі працу з нашымі нямецкімі партнёрамі, уздымалі гэтую праблему на ўсіх узроўнях — і сёння бачым вынік гэтых намаганняў.
Мы дзякуем нямецкаму Міністэрству замежных справаў, дэпутатам Бундэстага і Еўрапарламента, якія былі з намі на сувязі апошнія дні. Гэта важны крок, які адкрые шлях да бяспекі для тысячаў нашых суайчыннікаў, вымушаных пакінуць Радзіму з-за рэпрэсіяў.
Магчымасць гуманітарнага прыёму ў Германіі літаральна змяняе лёсы людзей, вяртае ім надзею і пачуццё абароненасці. Германія застаецца вернай сваім каштоўнасцям і гатовай дапамагаць тым, хто змагаецца за свабоду і дэмакратыю. Гэта сапраўды вялікае праяўленне чалавечай і палітычнай салідарнасці».