Святлана Ціханоўская: «Сёння Лукашэнка зноў пракаментаваў магчымы выпуск палітвязняў.

За кратамі сядзяць звычайныя беларусы – лекары, настаўнікі, студэнты, пенсіянеры, людзі з інваліднасцю. Менавіта іх дыктатар хлусліва называе небяспечнымі бандытамі, якія нібыта рабілі выбухі ў Беларусі. Але гэта спроба апраўдаць рэпрэсіі супраць людзей, якія мірна адстойвалі свае перакананні і правы.
Мы ўсе пяць гадоў патрабуем, каб рэжым вызваліў гэтых людзей. Калі Лукашэнка мяркуе, што пасля іх выхаду прычынаў для ціску не будзе — хай вызваляе палітвязняў прама зараз.
Але прымусовая дэпартацыя з краіны — гэта працяг палітычнага тэрору і несправядлівае пакаранне людзей без віны. Рэжым мусіць спыніць рэпрэсіі цалкам, а не проста замяніць адзін ціск на іншы».