Ціханоўская: «ЗША не наіўныя, яны разумеюць, хто такі Лукашэнка і чые інтарэсы ён абслугоўвае»

У размове з BBC Святлана Ціханоўская адказала на пытанне, ці яе турбуе тое, што Лукашэнка спрабуе наладзіць кантакт з адміністрацыяй Дональда Трампа і прапанаваць сябе «пасрэднікам» у вайне Расіі супраць Украіны.
«Вядома, мы бачым, што Лукашэнка імкнецца аднавіць сяброўства з дэмакратычным светам і паказаць сябе важным гульцом. Але мы ўжо пяць гадоў у цесным дыялогу з урадам ЗША і Дзярждэпартаментам. У нас ёсць стратэгічны дыялог, мы пастаянна абменьваемся інфармацыяй. І мы просім ЗША не змяняць палітыку ў дачыненні рэжыму, пакуль не будзе сістэмных зменаў у Беларусі і пакуль не спыняцца рэпрэсіі. Бо штодня на працягу гэтых гадоў людзей працягваюць затрымліваць.
ЗША не наіўныя, яны разумеюць, хто такі Лукашэнка і чые інтарэсы ён абслугоўвае».