Предыдущая публикация
* * *
Пельтне — кода локсейть.
Сёлмсост коштонть токшить,
Апак капша уить, ков — а содыть сынсь.
Модань апак нее
Пинге эрить вере
Ды а содыть, козонь пачтясынзе кись.
Вармась эрси кежей,
Валскень сувось — шержей,
Модась нилексть иес полавтнекшни тюст.
Пельтне уить каршот
Эли ловонь ашот,
Эли сэнть, чоподат, тустодояк тустт.
А сасавить чиезь.
Менелентень чиязть,
Валдо оршамосо ванькс одирьвакс сыть.
Кидеяк а пелить.
Сынь — нармунде вереть,
Певтеме менельстэ мекев менельс прыть.
Алина Подгорнова
Присоединяйтесь к ОК, чтобы подписаться на группу и комментировать публикации.
Нет комментариев