11 հուշագրավ փաստ #Կաթնամթերքի մասին

____________________________________________
☝️ Կաթը մարդու ճաշակած առաջին սննունդ է՝ սկզբում մայրական, հետո կովի: Բնության մեջ մայրական կաթը նախատեսված է կենդանական աշխարհի բոլոր նորածին էակների համար։ Սա այն սննդամթերքն է, որը լիովին յուրացվում է նորածնի` նոր ձևավորվող օրգան-համակարգերում։ Լավագույն դեղն է, որը պաշտպանում է ձագուկին արտաքին վնասակար ազդեցություններից։
☝️ Մարդն ավելի քան 10 հազար տարի առաջ սկսել է օգտագործել կաթն իր սննդակարգում։ Ըստ հնագույն հավատալիքների` կաթի անունով է կոչվել այն Երկնային արահետը, որի վրայով Երկիր մոլորակին է հասնում Տիեզերքի անսպառ կենարար էներգիան` Ծիրի սերմը։
☝️ Կաթի օգտակարությունը հայտնի է դեռ անհիշելի ժամանակներից: Եգիպտոսի բժիշկներն օրինակ 3 հազարամյակ առաջ բուժել են սրտի, երիկամների և ստամոքսի հիվանդությունները և օգտագործել են կաթը տարբեր բնույթի թունավորումների դեպքում։ Այն օգտագործում էին նաև թուլացած և հյուծված հիվանդների խնամքի համար, ինչպես նաև թոքային հիվանդությունների, տուբերկուլյոզի և բրոնխիտի բուժամ կոմպլեքսում:
☝️ Կաթի ախտահանում
Հայտնի է, որ միջնադարում չուման և խոլերան մի քանի անգամ գրոհել են Եվրոպան' խլելով միլիոնավոր կյանքեր: Բանը նրանում է, որ Եվրոպայում չի եղել ոչ կոյուղի, ոչ էլ կենտրոնացված աղբահանության համակարգ: Շատ քաղաքներում մարդիկ անգամ պատուհաններից են թափել աղբը: Բնականաբար դա բարենպաստ պայմաններ կստեղծեր այդ հիվանդությունների համար: Իր երկու դուստրերին է կորցնում նաև ֆրանսիացի քիմիկոս Լուի Պաստերը: Իր երրորդ դստեր պաշտպանելու համար նա սկսմ է իր հետազոտությունները և շատ շուտով պարզում, որ գոյություն ունեն աչքի համար անտեսանելի միկրոօրգանիզմներ, որոնք էլ բերում են հիվանդությունները: Ու դրա դեմ պայքարելու միակ միջոցը մաքրությունն է. Ուտելուց առաջ անպայման լվացվել, իսկ սնունդը անպայման ենթարկել ջերմային մշակման: Այդպես նրան հաջողվում կանխել հիվանդություւները, դառնում է միկրօրգանիզմի հիմնադիրը, քիմիայի բազմաթիվ ինստիտուտներ այսօր կոչվում են Լուի Պաստերի անունով: Նրա անունով մնաց նաև սննդի ջերմային մշակման պրոցեսը. Պաստերիզացիա: Թեպետ այս բառը հիմա ամենաշատն օգտագործվում է կաթի հետ, բայց հատկանշական է, որ նա միկրոօրգանիզմների գոյությունը բացահայտեց հետաքրքիր հետազոտության արդյունքում: Նա ընդամենն ուսումնասիրում էր թե ինչի՞ արդյունքում է գինին վերածվում քացախի:
☝️ Հակաուռուցքային ազդեցություն
ԱՄՆ գիտնականները 20 տարի անընդմեջ ուսումնասիրել են կաթի ազդեցությունը վնասակար արտադրություններում աշխատող մարդկանց առողջության վրա։
Ստացված արդյունքներն ավելի քան համոզիչ են.
Կանոնավոր ձևով կաթ օգտագործողների մոտ 3 անգամ ավելի քիչ է հայտնաբերվել ուղիղ կամ հաստ աղիների քաղցկեղ։
Կաթը կանխարգելում է մաշկի, կաթնագեղձի և շագանակագեղձի քաղցկեղի զարգացումը։
Օրը 400-1000 մլ կաթ խմողների մոտ 4-21 %-ով նվազում է երկրորդ տեսակի շաքարային դիաբետի զարգացման հավանականությունը։
☝️ Սիրտ-անոթային հիվանդություններ
Շոտլանդացի գիտնականները կատարել են` հավանաբար պատմության մեջ ամենաերկարատև գիտափորձը, որի ընթացքում 25 տարի անընդմեջ ուսումնասիրվել է կաթի ազդեցությունը թվով 5765 տղամարդկանց առողջական վիճակի մասին։ Պարզվել է, որ թարմ եփած և հետևաբար բարձր յուղայնություն ունեցող կաթի կանոնավոր ընդգրկումը սննդակարգում չի նպաստում սիրտ-անոթային և հատկապես սրտի իշեմիկ հիվանդության զարգացմանը։
☝️ Նիհարեցնող հատկություն
Վերջին տարիներին նիհարեցնող սննդակարգերի շարքում է հայտնվել նաև կաթնայինը։ Լրիվ կաթնային սննդակարգ պահողների շրջանում տարածված է այն կարծիքը, որ պետք է խմել անյուղ կաթ, ուտել անյուղ կաթնաշոռ։
Նման կարծիքը հիմնավորվում է այն փաստով, որ մթերքներում պարունակվող կալցիումը նպաստում է ճարպերի այրմանն օրգանիզմում, իսկ անյուղ կաթի մեջ կալցիումն ավելի շատ է։ Սակայն անյուղ կաթնամթերքում գտնվող կալցիումը յուրացվում է ընդամենը 5-10%-ով, իսկ բարձր յուղայնության կաթնամթերքից` 50%-ով և նույնիսկ ավելին։
ԱՄՆ Թեննեսիի Համալսարանի գիտնականները կարծում են, որ կաթում պարունակվող կալցիումը` օրգանիզմում յուրացվելուց հետո պարուրում է ճարպի միկրոսկոպիկ մասնիկները, և առաջացած միացությունը դուրս է բերվում օրգանիզմից` առանց յուրացվելու։
☝️ Հիպերտոնիկ հիվանդություն
20-րդ դարի սկզբում ֆրանսիացի գիտնականներն ապացուցել են, որ կաթն իջեցնում է ճնշումը, ընդ որում, կախվածությունը հստակ արտահայտված հակադարձ համեմատական է։ Կաթի հիպոտենզիվ հատկությունն ավելի արտահայտված է, եթե սննդակարգում չափավորված է հագեցած ճարպաթթուների քանակությունը։
Այսօր արդեն հայտնի է, որ կաթնամթերքում պարունակվող սպիտակուցից առաջանում են հատուկ նյութեր (պեպտիդներ), որոնց մի մասն ունի ճնշումն իջեցնող` հիպոտենզիվ ազդեցություն։
Նմանատիպ պեպտիդները հատկապես արդյունավետ են ազդում հիպերտոնիկ հիվանդության նախնական փուլում։
☝️ Առողջ ոսկորներ և ատամներ
Կաթը կալցիումի բնական աղբյուր է: Կալցիումը պաշտպանում է մարմինը քաղցկեղային քիմիական նյութերից, նպաստում է ոսկորների աճին, պաշտպանում է արթրիտային վիճակից, միգրենից, նախադաշտանային համախտանիշից և օգնում է ազատվել ոչ ցանկալի ճարպերից:
Ինչպես նշվեց, կաթը պարունակում է կալցիում, որը շատ կարևոր է ոսկորների աճի և զարգացման համար: Եթե օրական համապատասխան քանակությամբ կաթ օգտագործեք, ապա հետագայում կխուսափեք օստեոպորոզ հիվանդությունից: Կաթից հրաժարվող երեխաների ոսկորները ավելի փխրուն են լինում և նրանք ավելի հեշտ են կոտրվածքներ ունենում:
Եթե երեխաները և երիտասարդներն ամեն օր կանոնավորապես կաթ խմեն, ապա ատամների էմալը կպաշտպանեն թթու նյութերից: Գազավորված խմիչքներն են, որ ատամի կարիես են առաջացնում և թուլացնում լնդերը:
☝️ Մաշկի խնամք
Բոլորին հայտնի է, որ գեղեցկուհի Կլեոպատրան օգտագործում էր մեղրի և կաթի լոգանքներ, որպեսզի ունենար գեղեցիկ և փափուկ մաշկ: Այսօր էլ կաթը և կաթնամթերքն օգտագործվում է բազմաթիվ դեմքի դիմակներ պատրաստելու համար: Եթե Դուք ունեք չոր մաշկ, ապա այն փափկեցնելու համար կարող եք բամբակով թրջել կաթը և այն դնել դեմքին 15 րոպե, հետո ջրով լվանալ դեմքը: Կաթը սնում և փափկեցնում է մաշկը: Կաթի մեջ առկա կաթնաթթուն հեռացնում է մահացած բջիջները և վերաերիտասարդացնում մաշկը:
☝️ Իրենց օգտակարությամբ չեն զիջում մյուս կաթնամթերքները. #կաթնաշոռը #պանիրը : Հատուկ տեղ են զբաղեցնում կաթնաթթվային մթերքները՝ #կեֆիր #յոգուրտ #ռաժան #մածուն, որոնց պատրաստման հարցում գլխավոր դեր են խաղում հատուկ մանրէները, սնկերը և խմորիչները: Լակտոզան՝ կաթնաշաքարը, վերջիններիս հետ խմորման ընթացքում մասամբ վերածվում է կաթնաթթվի, իսկ սպիտակուցները մակարդվում են՝ թանձրանում: Թթված կաթի սպիտակուցները, ի տարբերություն թարմ կաթի սպիտակուցների, ավելի հեշտ են յուրացվում, բացի այս կենսաբանորեն ավելի ակտիվ են, ավելի հարուստ է B խմբի վիտամիններով, ուժեղ հակամանրէային ազդեցությամբ և համեմատաբար քիչ է սննդային ալերգիա առաջացնում:
Հեռ.՝ (077) 69-49-07 www.aqlor.am