11 հուշագրավ փաստ #Կտավատի մասին

_____________________________________
☝️ Կտավատի սերմի ծննդավայրը համարվում է հին Հնդկաստանը: Այն այնտեղ հայտնի է եղել մոտ 9000 տարի առաջ։ Հետագայում՝ մ.թ.ա. 4-5 հազար տարի այդ բույսը լավ հայտնի էր արդեն Միջագետքի, Ասորեստանի, Եգիպտոսի բնակիչներին։ Կտավատը համարում էին պտղաբերության, բերրիության և մայրության եգիպտական աստվածուհի Իսիդայի բույսը։
☝️ Եթե երկու խոսքով պետք է բնութագրել այս հրաշք բույսը, ապա կարելի է ասել՝ «Ամեն ինչի դարման»: Կտավատի սերմերն ու յուղը օգտակար են յուրաքանչյուրին, ու եթե անգամ չեն բուժում ամեն ինչ, ապա օգնում են օրգանիզմին ուժ հավաքել, կարգավորում են օրգանիզմի բնականոն կենսագործունեությունը, իսկ օմեգա-3 ճարպաթթվի հրաշագործ հատկությունները դեռ նորանոր բացահայտումներ են խոստանում:
☝️ Այս բույսի ամեն հատվածն օգտագործվում է: Փափուկ հյուսվածքն օգտագործվում է տեքստիլ արդյունաբերության մեջ՝ բարձրորակ գործվածք ստանալու համար, ինչպես նաև` թղթի արդյունաբերության մեջ: Ցողունային մասը՝ ավելի փայտացած հատվածը, օգտագործվում է շինարարական աղյուսների ու կղմինդրերի արտադրության մեջ, որոնք ոչնչով չեն զիջում մեզ հայտնի ДСП ու ДВП-ներին: Կտավատի ձեթը կամ յուղը օգտագործում են յուղաներկերի ու օճառի արտադրության մեջ, սերմերն ու յուղը նաև օգտագործում են սննդի արդյունաբերության մեջ:
☝️ Հայտնի է, որ կտավատը քարե դարից աճեցվել է որպես մշակութային բույս: Հունաստանում և Հռոմում կտավատից գործվածքներ են հյուսել, կարել են հագուստ, անկողնու սպիտակեղեն, կտավ, նավահանդերձանք: Դրանից բացի, կտավատից ստացված քաթանը որպես կտավ է օգտագործվել նկարչության համար: Հինգ հազար տարեկան բուրգերում հայտնաբերվել են քաթանով փաթաթված մումիաներ (նրանք այժմ պահվում են Նյու Յորքի «Մետրոպոլիտեն» թանգարանում): Հին ժամանակներում քաթանե գործվածքը ոսկու գին ուներ: Քրիստոսին էին պարուրել քաթանով, նաև այն սրբիչը՝ Սուրբ Դեմքի, որի վրա արտապատկերվել է Քրիստոսը՝ նույնպես քաթանից էր:
☝️ Դարեր շարունակ կտավատի սերմերն ու յուղը լայն կիրառություն է ունեցել տարբեր ժողովուրդների բժշկության մեջ: Հիպոկրատը խորհուրդ էր տալիս օգտագործել լորձաթաղանթի բորբոքումների դեպքում: Իսկ Հին արևելյան բժշկության մեջ օգտագործվում էին կտավատի սերմերն ու յուղը` որպես լուծող, մաքրող ու փափկացնող հատկություններով օժտված դեղորայք: Ըստ Ավիցենայի նկարագրությունների` կտավատի սերմն օգնում է ազատվել հազից, միզապարկի, երիկամների և աղիքների խոցերից, նաև` կտավատի սերմի ու բնական սոդայի ու թզի հետ միասին պատրաստված դեղաքսուքը լավ օգնում է պեպենների ու պզուկների դեմ:
☝️ Չնայած, որ կտավատը շատ օգտակար է և՛ կանանց, և՛ տղամարդկանց համար, կան օգտակար հատկություններ, որոնք վերաբերում են միայն կանանց: Կտավատի յուղը կարող է բարելավել արգանդի աշխատանքը՝ դրանով իսկ լուծելով անպտղության որոշ խնդիրներ: Այն շատ օգտակար է նաև կերակրող մայրերի համար, քանի որ մայրական կաթի հետ փոխանցվում է երեխային և նպաստում նրա գլխուղեղի բջիջների զարգացմանը: Գիտնականները նշում են, որ պարբերաբար կտավատի յուղ ընդունելը բարենպաստ ազդեցություն է ունենում կանանց օրգանիզմի հորմոնալ ֆոնի վրա, ինչն ազդում է դաշտանադադարի ժամանակահատվածում և նախադաշտանային փուլում գտնվող կանանց ինքնազգազողության վրա:
☝️ Նույնիսկ կոսմետիկ պրոցեդուրաների բացակայության դեպքում պարզապես կտավատի յուղ օգտագործելը կարող է շատ օգտակար լինել: Այն բարելավում է մազերի, եղունգների և մաշկի վիճակը, սնուցում ու խոնավեցնում է չոր, ծերացող մաշկը և ազատում է թեփոտությունից ու մանր կճիռներից:
☝️ Ժամանակակից հետազոտությունները ցույց են տվել, որ կտավատի յուղի օգտագործումը նվազեցնում է ինսուլտի զարգացման վտանգը 37%-ով: Կտավատի սերմերը հարուստ են բուսական ճարպերով, հատկապես պոլիչհագեցված կամ անփոխարինելի ճարպաթթուներով՝ օմեգա-3 և օմեգա-6, որոնք բարենպաստ ազդեցություն են թողնում մարդու օրգանիզմի կենսագործունեության համարյա բոլոր պրոցեսների վրա: Դրան զուգահեռ՝ կտավատի սերմերը պարունակում են բավական մեծ քանակությամբ վիտամիններ՝ (А, В, Е, Р) և այլ կենսաբանական ակտիվ նյութեր:
☝️ Կտավատը չափազանց արդյունավետ է ճարպակալման, կորոնար սրտային հիվանդության, հիպերտոնիայի, երակների վարիկոզ լայնացման, միզուղիների բորբոքային հիվանդությունների (ցիստիտ) և միզապարկի քարերից ազատվելու համար:
☝️ Մանրացրեք (աղալ, կամ դակել) կտավատի սերմերն ու ամեն առավոտ մի ճաշի գդալ խառնեք կես բաժակ ջրի մեջ, տասը րոպե հետո կուռչի, նորից խառնեք ու, չթողնելով` նստի բաժակի հատակին, խմեք:
Ընդհանրապես՝ կարելի է ապրել «ժամացույցի մեխանիզմի նման» և չվախենալ այնպիսի վտանգավոր հիվանդություններից, ինչպիսիք են` շաքարախտը, աթերոսկլերոզը, կորոնար սրտային հիվանդությունը, ինսուլտը (կաթված), լյարդի ցեռոզը, ստամոքսի և 12-մատնյա աղիքի խոցը և շատ այլ հիվանդություններ: Կտավատը բնության ստեղծած հրաշք է
☝️ Կտավատ (լատ.՝ Línum usitatíssimum), վուշ, կտավատազգիների (վուշազգիներ)
ընտանիքի միամյա և բազմամյա խոտաբույսերի, հազվադեպ՝ կիսաթփերի ցեղ։ Հայտնի է ավելի քան 230 տեսակ (այլ տվյալներով՝ 200)։ Հայաստանում տարածված է վայրի կտավատի 8 և մշակովի 2 տեսակ:
Հեռ.՝ (077) 69-49-07 www.aqlor.am #Կտավատ #կտավատի_սերմ #կտավատի_յուղ #առաքում #օգտակար #բուժիչ https://aqlor.am/կտավատի-սերմ https://aqlor.am/կտավատի-յուղ