11 Փաստ #Թթի_դոշաբի մասին

_________________________
☝️Սկսած հնադարից՝ թութը լայն կիրառություն է գտել և´ որպես բարձրարժեք սննդամթերք, և´ որպես դեղամիջոց: Նրա օգտակար հատկությունները հաջողությամբ պահպանվել են վերամշակման արդյունքում ստացված մթերքներում՝ չիր, օղի, դոշաբ:
☝️ Դոշաբը իրենից ներկայացնում է եփած, խտացրած մրգային հյութ: Դոշաբի պատրաստումը հնագույն սովորություն է։ Թութը թափ տալուց հետո լցնում ենք մեծ կաթսայի մեջ, մի քիչ ջուր ավելացնում և դնում կրակին։ Լավ եփվելուց հետո թողնում ենք սառչի։ Այնուհետև լցնում ենք ցանցե պարկի մեջ, վրան ծանրոց դնում և թողնում ենք լավ քամվի։ Քամվելուց հետո առաջացած քաղցր հեղուկը նորից դնում ենք կրակին և եռացնում։ Գդալի միջոցով ստուգում ենք, երբ ծորա՝ նշանակում է, որ դոշաբն արդեն պատրաստ է։ Պատրաստվում է թթի հյութից: Թեև դոշաբը քաղցր է, սակայն պատրաստման ժամանակ շաքարավազ չեն ավելացնում։
☝️ Ունի թանձր սոուսի տեսք: Օշարակը պետք է լինի մուգ միագույն և խիտ մածուցիկ: Եթե այն ջրիկ է ստացվել, ուրեմն ջուր է խառնած:
☝️ Պետք է պահել սառնարանում՝ հերմետիկ փակված վիճակում: Կարելի է կիրառել ինչպես ապակե, այնպես էլ պլաստմասե տարա:
☝️ Դոշաբը շատ օգտակար է հատկապես հազի և բրոնխիալ ասթմայի դեպքում: Այս համեղ օշարակն օգնում է շատ արագ ազատվել ծանր հազից։ Մեր ժողովուրդը հնուց այն օգտագործել է նաև շնչառական հիվանդությունների դեմ:
☝️ Հրաշալի միջոց է դիաբետիկների և բոլոր նրանց համար, ովքեր ցանկանում են նիհարել: Այս պարագայում օրական չափաբաժինը չպետք է գերազանցի 1 ճաշի գդալը: Այնպես չէ, որ չարաշահումը կարող է լուրջ վնասել առողջությանը, բայց բարձր կալորիականությունը կարող է բացասաբար անրադառնալ շաքարի մակարդակի վրա: Պետք է խմել առավոտյան սոված փորին՝ հաց ուտելուց 15-20 ր առաջ, մի փոքր ջրով բացած:
☝️ Կալիումի և կալցիումի հարստությունը թթի պեկմեզը անփոխարինելի է դարձնում սրտանոթային հիվանդությունների առաջացման և զարգացման կանխարգելման համար: Երկաթի հարստությունը թույլ է տալիս նորմալացնել արյան մեջ հեմոգլոբինի մակարդակը և օգնում է ազատվել սակավարյունությունից: Բաղադրության մեջ ֆոսֆորը բարելավում է ուղեղի աշխատանքը և հիշողությունը, օգնում է բարձրացնել համակենտրոնացումը, և, հետևաբար, անփոխարինելի է ինտենսիվ հոգեկան սթրեսի դեպքում:
☝️ Օգտակար դեղամիջոց լինելուց բացի, դոշաբն օգտագործում են նաև մի քանի ճաշատեսակների և քաղցրավենիքների պատրաստման մեջ։ Դոշաբը յուրահատուկ համ է տալիս հատկապես ընկույզով քաղցր սուջուխին (շարան)։
☝️ Թթի դոշաբը յուրահատուկ համեմունքի համ է հաղորդում մսային ուտեստներին և աղցաններին, ինչպես նաև կարող է օգտագործվել որպես խտանյութ աղանդների պատրաստման համար:
☝️ Օշարակը օգտագործվում է նաև ստամոքս-աղիքային հիվանդությունների կանխարգելման համար, օգնում է բուժել ստոմատիտը և թեթևացնում է սուր գաստրիտների և պեպտիկ խոցային հիվանդությունների դեպքում:
☝️ Շատ են պատրաստում հատկապես Հայաստանի այգեգործական շրջաններում։ Ամենատարածվածն ու հայտնին Արցախի դոշաբն է:
Հեռ.՝ (077) 69-49-07 www.aqlor.am