Հ.

Սահյան
Ինձ մի ջուր բերեք Տատնա գետակից,
Տատնա գետակի զմրուխտյա ակից:
Ինձ մի ջուր բերեք, խմեմ ու ասեմ.
Դաստակս խղճիս դնեմ ու ասեմ:
-Ցուրտ այս ջուրը, որ բխում է քարից,
Քաղցր է հեքիաթի անմահականից:
Ամեն մի կումը ու բուռը նրա
Աշխարհ կպահի աշխարհի վրա:
Երբ ծարավ լինեք, խմեցեք մի բուռ,
Խմեցեք, դարձեք մի-մի Սասնա ծուռ...
Եվ ավանդեցեք դուք որդոց որդի
Մաքրության խորհուրդ, պարզության ոգի:
Մի ջուր բերեք ինձ Տատնա գետակից,
Տատնա գետակի զմրուխտյա ակից:
Հ. Սահյան http://www.tatni.ru/am/Tatni/