Әнкәй тавышларын ераклардан

Телефоным миңа тапшыра.
Әнкәемнең изге сүзе килә
Дулкын-дулкын булып каршыга.
Әйтерсең дә, мин гыйбадәт кылдым,
Бәхет хисе сизәм йөрәктә.
Авыр уйларымны сыпыргандай,
Җиңел сулыш туа күкрәктә.
Тик әнкәйгә генә хастыр бит ул
Бала җанын тою ерактан.
Тик әнкәйнең изге сүзе генә
Моң-зарыңны юа йөрәктән.
Хатлар урынына әнкәй көтә,
Телефоннан алмый күзләрен,
Догаларын укып күңеленнән,
Туплый-туплый әйтер сүзләрен.
Телефоннан әнкәйне ишеттем.
Әйтерсең дә, кылдым гыйбадәт.
Дога алдым, изге теләк алдым,
Шуңа күңелемдә сәгадәт.
Физәлия Дәүләтгәрәева