АЛЛАХТЫ КАНТИП ЭСТЕСЕК БОЛОТ?

Аллахты эстөө, жүрөк, тил жана дене менен болот:
1. Жүрөк менен Аллахты эстөө, Анын ысым-сыпаттарына, өкүмдөрүнө жана аят-белгилерине ой-жүгүртүү менен болот. Мусулман адам ар дайым Аллахты эсинен чыгарбай, Анын ырайымынан үмүт кылып, азабынан коркуп жашоосу керек.
2. Аллахты тил менен эстөө, Куран аяттарында жана хадистерде айтылган белгилүү сөздөрдү айтуу менен болот. Мусулман адам ар дайым ал сөздөрдү айтып жүрүүсү керек. Мисалы:Эртең менен жана кечинде төмөнкү зикир сөздөрүн айтуу керек:
■Аятул курсий.(Бакара. 255-аят). (1 жолу).
■Ихлас сүрөсү. (3 жолу).
■ Фалак сүрөсү. (3жолу).
■ Нас сүрөсү. (3 жолу).
■ «Аллоохумма анта Робби, лаа илааха илла анта, холактани ва ана аьбдука, ва ана ьалаа аьхдика ва ваьдика мас татоьту. Аьуузу бика мин шарри маа сонаьту, абу-у лака би ниьматика алайя, ва абу-у лака би занбии фагфирлии, фа иннаху лаа ягфируз-зунууба илла анта». (1 жолу).
■ «Аллохумма иннии асалукал аьвфа вал аафията фиддуня вал аахиро. Аллохумма иннии асалукал аьвфа вал аафията фи диини ва дуняа-а, ва ахлии ва маалии. Аллохум-мастур авраати, ва амин рова-аати. Аллохум-махфизнии мин байна ядайя ва мин холфии, ва ан ямиини ва ан шимаали, ва мин фавки, ва аьуузу би азоматика ан угтаала мин тахтии». (1 жолу).
■ «Асбахнаа ва асбаха (кечинде асты сызылган сөздүн ордуна - амсайнаа ва амсаа -депайтылат) мулку лил-лаах, валхамду лил-лаах, лаа илааха илла-лооху вахдаху лаа шарика лах, лахул-мулку, ва лахул-хамду, ва хува аьлаа кулли шайин кодиир. Робби асалука хойро маа фии хаазал явми (кечинде-хаазихил- лайла), ва хойро маа баьдаху (кечинде-баьдахаа), ва аьуузу бика мин шарри маа фии хаазал явми (кечинде-хаазихил- лайла), ва шарри маа баьдаху (кечинде-баьдахаа), Робби аьуузу бика минал касали, ва сууал кибари, Робби аьуузу бика мин ьазаабин фин-наари, ва ьазаабин фил кобри». (1 жолу).
■ «Бисмил-Лаахил- лазии лаа ядурру маьа исмихи шаюн фил арди ва лаа фис-самааи, ва хувас-самииьул аьзиим».(3 жолу).
■ «Аьуузу би калимаатил- лаахит-тааммаати мин шарри маа холак».(3 жолу).
■ «Аллохумма бика асбахнаа, ва бика амсайнаа, ва бика нахяаа, ва бика намуут, ва илайкан-нушуур». (Кечинде-асты сызылган сөздөрдүн орду алмаштырылып окулат). (1 жолу).
■«Аллохумма иннии аьуузу бика минал хамми вал хузни, ва аьуузу бика минал ьажзи вал касал, ва аьуузу бика минал жубни вал бухли, ва аьуузу бика мин голабатид-дайни ва кохри рижаал». (3 жолу).
■ «Лаа илааха илаллоху, вахдаху лаа шарика лаху, лахул-мулку, ва лахул-хамду, ва хува аьлаа кулли шайин кодиир».(1, 10 же 100 жолу).
■ «Субхаанал- лоохи ва бихамдихи». (10 же 100 жолу).
Бул зикир сөздөрүн эртең менен айткан адам кечке чейин, кечинде айткан адам таңга чейин жин-шайтандын азгырыгынан аман болот жана ар түрдүү жин оорууларынан өзүн сактайт.
3. Аллахты дене менен эстөө, Ал буйруган намаз, ажылык сыяктуу дене менен аткарылуучу ибадаттарды аткаруу менен болот. Мусулман адам ар бир ибадатты аткарууда Аллахты эстеп, Анын ыраазылыгы үчүн гана аткаруусу керек.
АллахТаала айткан: «Асмандар менен жердин жаралуусунда жана күн менен түндүн алмашуусунда акыл ээлери үчүн белгилер (бар). Алар Аллахты турган абалда, отурган жана жамбаштаган абалда да эстешет…» (Аалу Имран. 190-191-аяттар).
Ааиша энебиз: «Аллахтын элчиси баардык абалда Аллахты зикир кылат эле» - деп айткан. (Муслим).
Мусулмандын ар бир кыймылы Аллахты эстөө менен болууга тийиш. Ошондуктан, эртең менен жана кечинде, үйгө киргенде, үйдөн чыкканда, мечитке киргенде, мечиттен чыкканда, дааратканага киргенде, дааратканадан чыкканда жана башка убактарда айтылуучу сөздөрдү Пайгамбарыбыз (Ага Аллахтын салам-салаваты болсун) үйрөтүп кеткен.