Православный Церковный календарь

🕯🌺🍃• ЦЕРКОВНЫЙ КАЛЕНДАРЬ
#ЦерковныйКалендарь#РПЦ#ДуховнаяПища#ПравославныйКалендарь суббота
Новый стиль
18 октября
Седмица 19-я по Пятидесятнице
Поста нет. Глас 1-й
Мц. Харити́ны Амисийской (Понтийской) (304)
свтт. Московских Петра, Феогно́ста, Алекси́я, Киприа́на, Фо́тия, Ио́ны, Геро́нтия, Иоаса́фа, Макария, Фили́ппа, И́ова, Ермоге́на, Ти́хона, Петра, Филаре́та, Инноке́нтия и Мака́рия
Прпп. Дамиа́на, пресвитера, целебника (1071), Иереми́и (ок. 1070) и Матфе́я (ок. 1085), прозорливых, Печерских, в Ближних пещерах
прп. Харити́ны, кн. Литовской, в Новгороде подвизавшейся, игумении (1281)
сщмч. Диони́сия, епископа Александрийского (264–265)
мц. Маме́лхвы Персидской (ок. 344)
прп. Григо́рия Хандзтийского, архимандрита (861) (Груз.)
Прп. Гаврии́ла (Игошкина), исп., архимандрита Мелекесского (1959)
Тропари, кондаки, молитвы и величания
Мученице Харитине Амисийской
Тропарь, глас 4
А́гница Твоя́, Иису́се, Харити́на/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя с любо́вию, поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.
Святителям Московским
Тропарь, глас 4
Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость.
Святителю Петру Московскому, митрополиту Киевскому и всея Руси чудотворцу
Тропарь, глас 4
Я́же пре́жде безпло́дная земле́,/ ны́не весели́ся:/ се бо Христо́с свети́льника в тебе́ показа́,/ я́ве сия́юща в ми́ре,/ и исцелева́юща неду́ги и боле́зни на́ша./ Сего́ ра́ди лику́й и весели́ся со дерзнове́нием:// святи́тель бо есть Вы́шняго сия́ соде́ловаяй.
Ин тропарь, глас 4
Благове́рно пожи́в в ми́ре,/ житие́м чи́стым просвети́вся,/ уче́нием святи́тельства прия́т па́ству,/ апо́столом насле́дниче./ Тем прие́м дар чуде́с от Бо́га, о́тче Пе́тре,/ моли́ Христа́ Бо́га,// да спасе́т ду́ши на́ша.
Дамиану пресвитеру, целебнику, Иеремии и Матфею прозорливым, Печерским, в Ближних пещерах
Тропарь, глас 1
Христо́вых повеле́ний све́том сердца́ своя́ просвети́вше,/ стра́стный мрак прогна́сте,/ те́мже Тро́ицы селе́ние бы́сте тричи́сленнии отцы́,/ Дамиа́не, Иереми́е с Матфе́ем,/ от Нея́же благода́ть прие́мше,/ неду́жныя исцеля́ете, бу́дущая возвеща́ете/ и, А́нгелом соприча́стницы су́ще,// моли́теся Христу́ Бо́гу дарова́ти нам прича́стие святы́х.
Кондак, глас 2
Я́коже дре́внии проро́цы благода́ть проро́чествия прие́мше/ и нело́жне ду́хом предзре́вше, прореко́ша наити́ хотя́щая,/ та́ко и вы в жи́зни на́шей зла́я, грехо́в ра́ди на́ших на ны гряду́щая, предвозвести́сте;/ и ны́не да не пости́гнут ны зла́я,// испроси́те от Христа́ Бо́га исправле́ние дело́м на́шим и ве́лию ми́лость.
Преподобной Харитине Литовской, Новгородской
Тропарь, глас 2
От ю́ности твоея́ Бо́га все́м се́рдцем возлюби́ла еси́, Харити́но преподо́бная, по́двиги в ве́ре положи́ла еси́ за Христа́, Жениха́ твоего́, и в но́вое твое́ Оте́чество, зе́млю ру́сскую вселилася еси́, к Небе́сному Оте́честву на́с призыва́еши, моля́щи Христа́ Бо́га спасти́ся душа́м на́шим.
Преподобноисповеднику Гавриилу (Игошкину), архимандриту Мелекесскому
Тропарь, глас 3
Вельми́ све́тел яви́ся на́м по́двиг жития́ твоего́,/ испове́дниче Христо́в Гаврии́ле,/ любве́ ра́ди ко Го́споду изше́л еси́ с ра́достию на ско́рбь и лише́ния,/ кре́ст сво́й нося́й/ и та́ко о́браз терпе́ния показу́яй,/ ве́рныя в годи́ну озлобле́ния/ па́стырски в ве́ре соблю́л еси́,/ дерзнове́нием благода́ть Свята́го Ду́ха стяжа́в,/ те́мже у́бо вопие́м ти́:// моли́твами твои́ми спаси́ души́ на́ша.
В субботу, всем святым
Тропарь, глас 2
Апо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те// спасти́ся, мо́лимся, душа́м на́шим.