Сёння прадстаўнікі Выдавецкага дома "Педагагічная прэса" знаходзяцца з рабочай паездкай у Салігорску

▫️ Яна пачалася сустрэчай намесніка дырэктара па развіцці Людмілы Пастарнакевіч з начальнікам упраўлення па адукацыі Салігорскага райвыканкама Ігарам Цыбулькам. За актыўны ўдзел у конкурсе на лепшую арганізацыю падпіскі на "Настаўніцкую газету" і іншыя друкаваныя сродкі масавай інфармацыі ВД сярод устаноў дашкольнай, агульнай сярэдняй і спецыяльнай адукацыі Людміла Пятроўна ўручыла Ігару Аляксандравічу дыплом і каштоўны падарунак.
У першую чаргу журналісты наведалі дзіцячы сад № 43 Салігорска. Загадчыца ўстановы Настасся Сігаева расказала, што ў іх вялікая ўвага ўдзяляецца фізічнай культуры, а кіраўнік па фізічным выхаванні майстар спорту па мастацкай гімнастыцы Алена Тупейка прэзентавала свой вопыт работы з малышамі.
📍 Наступны пункт у маршруце — гімназія № 2 Салігорска. Тут кітайскую мову выкладае Вольга Алімава.
Завяршылася паездка ў Салігорск знаёмствам з дзейнасцю сацыяльна-педагагічнага цэнтра Салігорскага раёна. Яго педагог-псіхолаг Надзея Агіевіч стварыла клуб "Насустрач жыццю", у якім працуе не толькі з дзецьмі-сіротамі, але і з тымі малышамі, якія засталіся без апекі бацькоў, выхоўваюцца ў прыёмных сем'ях, дзіцячых дамах сямейнага тыпу.