"Əhalinin aztəminatlı təbəqəsinə rəqəmsal televiziya siqnallarının qəbulu üçün dekoderlərin pulsuz veriləcəyi ehtimal edilir".

Trend-in məlumatına görə, bu barədə jurnalistlərə Azərbaycanın rabitə və informasiya texnologiyaları naziri Əli Abbasov bildirib.
Nazirin sözlərinə görə, hazırda bu məsələ baxılma mərhələsindədir və yekun qərar hələlik qəbul edilməyib.
"2013-cü ildə analoq formatdan rəqəmsal yayıma tam keçid gözlənilir", - Abbasov deyib.
Qeyd edək ki, Azərbaycanda rəqəmsal televiziyaya keçid analoq siqnalın rəqəmsal siqnalla əvəz edilməsini nəzərdə tutur.