29 лістапада, у суботу - вясёлая казка для юных гледачоў "МЯФА"!

Гэта смешная і павучальная гісторыя з жыцця хатніх жывёл, якія ўзяліся не за сваю справу. Сабака Мяфа спрабуе сябе ў ролі Ката і Пеўня, два апошнія бяруць на сябе ролю Мяфы. Але з’яўляецца Ліса і хутка расстаўляе ўсіх па сваіх месцах, і кожны вяртаецца да былых асноў…
Пачатак у 12:00
29 лістапада, у суботу - камедыя для дарослых "ПРЫМАКІ"!
Жанр п’есы Янка Купала вызначыў як «сцэнічны жарт у адной дзеі», узяўшы за аснову народны анекдот. А жарт тут вось у чым. Аднойчы раніцай Даміцэля выяўляе ў сваім ложку не роднага мужа, а свайго кума Максіма. А тым часам яе муж Трахім, ні аб чым не падазраючы, салодка спіць у чужой хаце, са сваёй кумай Паланеяй.
Гісторыя пагаршаецца яшчэ тым, што дзеці разгубленых начнымі прыгодамі сваякоў, кахаюць адзін аднаго і жадаюць ажаніцца. Але ці не стане бурны сямейны канфуз перашкодай да шчасця маладых? Што ж, давайце разбірацца!
Пачатак у 17:00
30 лістапада, у нядзелю - захапляльная казка для дзяцей "МАЛЫШ І КАРЛСАН"!
Гэта гісторыя магла адбыцца ý любым горадзе, дзе есць дамы, а ý дамоý есць дахі, а таксама ý тым горадзе, дзе акрамя дарослых жывуць звычайныя хлопчыкі, а можа нават і дзяýчынкі. І у гэтым горадзе жыў адзін хлопчык... І гэты хлопчык быý вельмі адзінокі, нягледзячы на тое, што ý яго была мама, быý тата, і нават былі сястра і брат. Ен быý адзінокі таму, што ý яго не было сябра. Уяуляеце? Няма сябра. Што можа быць жахлівей для хлопчыка, якому сення споýнілася 8 гадоý. Хлопчыка звалі Малыш, гэта такое імя. Малыш Свантэсон. А далей…ён пазнаеміýся з тоýстым і смешным чалавекам Карлсанам, які жыý на даху...
Пра іх смешныя прыгоды і ýбачаць гледачы ý спектаклі.
Пачатак у 12:00
30 лістапада, у нядзелю - камедыя для дарослых "ВОСЬ ТАБЕ І ГОЦАЦА"!
Вясёлы сцэнічны жарт Чужыніна пра старога Мешчаніна, яго дачку Барбару, яе жаніха Тобі і гандляра Марганчыка, а таксама гісторыя заляцанняў Дзяка да Пісарыхі з галубкоўскіх “Пісаравых імянін”. У пастаноўцы шмат танцаў, музыкі, жартаў. І, думаецца, гледачы – прыхільнікі свайго, беларускага, роднага, вясёлага – са шчырай асалодай прымуць наш спектакль.
Пачатак у 17:00
Інфармацыя і браніраванне квіткоў па тэл. 8-01562-5-13-64 https://youtu.be/GdFp3jcEviM