Բաց թող ինձ, թող գնամ՝

փնտրեմ ինձ, ու եթե գտնեմ՝
գուցե քեզ էլ հասկանամ...
Բաց թող մարմինս,
երբ ամեն ծածուկ բան
կարոտի գին ունի,
երբ ձայնս վաղուց մոռացել ես։
Բաց թող ինձ, թեկուզ չհասկանամ,
թեկուզ հարցեր ունենամ,
որոնց երբեք չպատասխանեցիր...
Բաց թող անունս,
մտքերս բաց թող,
որոնք այլևս քեզ չեն պատկանում։
Թող դառնան իմը՝
առանց քո շնչի ծանրության։
Բաց թող հուշերը,
որ խրվել են գիշերներիս մեջ
ու չեն թողնում քնել...
Թող գիշերները լռեն՝
ես էլ լռեմ՝ վերջապես։
Բաց թող ձեռքերս,
երազներս,
սիրտս...
Բաց թող ինձ, թող գնամ...