Прииди́те, празднолю́бных собо́ри,/ Пресвяту́ю Де́ву воспои́м:/ днесь бо А́нгели со святы́ми пра́зднуют/ честны́й Покро́в Бо́жия Ма́тере/ и к похвале́нию нас, земны́х, призыва́ют/ вопи́ти непреста́нным гла́сом:/ ра́дуйся, Це́ркве чу́дное украше́ние/ и всему́ ми́ру преди́вный покро́в.

/ Ра́дуйся, ве́рным посо́бие на бра́нех и во́ином соблюде́ние;/ ра́дуйся, покро́ве и заступле́ние на́ше:/ Тебе́ бо христиа́нский род непреста́нно блажи́т.