У 1993 годзе ў газеце “Сумежжа” палітзняволеная Людміла Краснадубская апісала сваё знаходжанне ў хальчанскай калоніі “Маці і дзіцяці”, з якога вынікае, што прычынай смерцідзяцей быў голад: “Нарэшце, 20 чэрвеня 1947 года закончыўся гэты фарс, які называецца судовым працэсам. Імем СССР выносяць прысуд. Мне — 10 гадоў пазбаўлення волі і ў дадатак 5 год паражэння ў правах. А ў мяне якраз пачаліся родавыя схваткі. У лазарэце менскай турмы і нарадзіўся мой сынок. Загарнулі ў анучы, усунулі ў рукі і хворую этапам у турэмную калонію “Матери и ребенка” ля станцыі Хальч Гомельскай вобласці. Я была ледзьве сама жывая, малако прапала, а дзіця цягнецца да пустых грудзей і ціхенька плача ад голаду. Сынок пражыў так 4 месяцы і 15 дзён і сканаў на маіх руках. Вось гэта і была самая страшная для мяне кара! Калі б я ведала, што так будзе, я яшчэ ў часе допытаў наклала б на сябе рукі ці кінулася б на канваіраў, каб застрэлілі з яшчэ ненароджаным дзіцем. А так я 135 начэй і дзён глядзела ў вочкі сыночка, які канаў ад голаду. I гэта было ў краіне “счастливого детства”. Так, мёртвым, сынок мой застаўся на Радзіме”.
Чытай больш на: https://www.racyja.com/kultura/zabytaya-zhanochaya-turma-nkvd/
Присоединяйтесь к ОК, чтобы подписаться на группу и комментировать публикации.
Комментарии 1