Сёння вядучыя мерапрыемства бібліятэкар Балоцька Кацярына і загадчык бібліятэкай Шчукіна Наталля гаварылі з вучнямі 8 «а» класа СШ №5 пра наша роднае слова. У бібліятэцы прайшла пазнавальная гадзіна "Беларускаму слову гучаць!"

Дзень беларускага пісьменства – дзяржаўнае свята, якое мае на мэце захаванне нашай гістарычнай спадчыны, ушанаванне продкаў-асветнікаў, жыццё якіх было прысвечана развіццю і памнажэнню духоўнага багацця нашага народа, сучасных творцаў роднага слова, якія захоўваюць слаўныя традыцыі беларускай пісьменнасці. Сёлета свята адзначаецца ў Лідзе. Горад, дзе перапляталіся гісторыя і сучаснасць. Ён сабярэ шмат аматараў і класікаў беларускага пісьменства, культуры нашага народа. Сапраўды, хто мы без песні, без казкі, што мама распавядае зімовымі ці летнімі вечарамі, без роднага слова? І гэтае Слова неслі ў народ сусветна вядомыя імёны, якія сёння мы вымаўляем з вялікім гонарам. Янка Купала, Якуб Колас, Максім Багдановіч. Дзеці паведалі, якіх яны ведаюць пісьменнікаў. Таксама з імі правялі конкурсы: «Слоўнікавы джэм», «Перакладчык».

Госцем на мерапрыемстве быў настаяцель Храма Свяціцеля Васілія Вялікага, святар Вячаслаў Рябіца. Ён распавёў дзецям з чаго стварыліся ўсе славянскія мовы. Паказаў кнігу Псалтыр. Словы ў ім разумеюць усе праваслаўныя веруючыя.

Аб харастве роднай мовы можна гаварыць бясконца. Яна: іскрыстая, нібы сонечныя промні, густая і насычаная, як мёд, што нясе ў соты руплівая пчала, яна звініць быццам крыштальная вада з бацькоўскай крыніцы, быццам цымбалы ў руках майстра. Шануйце, родную мову! Падрыхтавалі супрацоўнікі бібліятэкі.