Иртә килдең язым..

Алтын кояш, көлтә нурлар сибә,
Тибрәнәләр шәрә куаклар,
Сыерчыклар зәңгәр күкне коча,
Кыйгач канатлары уйнаклап.
Иртә килдең, язым, иртә килдең,
Хәерлесе белән керәсең.
Тиле күңел шашып язын коча,
Син дә ашыгасың күрәмсең..
Елгаларда бозлар күтәрелде,
Ташып чыгып җәйде болынга,
Язлар, язлар күңел ашкындыра,
Хәерлесе белән быел да..
Иртә килдең, язым, иртә килдең,
Хәерлесе белән керәсең.
Тиле күңел шашып язын коча,
Син дә ашыгасың күрәмсең..
Язлар саен йөрәкләргә кага,
Хисләр өермәсе җилләрдә,
Тезелешеп кыр казлары кайта,
Җырлар яңгыратып җәйләүдә.
Иртә килдең, язым, иртә килдең,
Хәерлесе белән керәсең.
Тиле күңел шашып язын коча,
Син дә ашыгасың күрәмсең..
Рамзис Мишәр.