Արգենտինայի հավաքականի նախկին առաջատար Դիեգո Մարադոնան մեկնաբանել է Կրիշտիանու Ռոնալդուի՝ ՖԻՖԱ-ի վարկածով տարվա լավագույն ֆուտբոլիստի մրցանակին արժանանալը: Ինչպես Ռոնալդուին, այնպես էլ Մարադոնային դուր չի եկել այն, որ մրցանակաբաշխությանը ներկա չեն եղել «Բարսելոնայի» ֆուտբոլիստները:«Տրամաբանական էր, որ Ռոնալդուն արժանացավ «The Best» մրցանակին, սակայն ավելի լավ կլիներ, որ արարողությանը մասնակցեին Մեսին ու Նեյմարը»,- DirecTV Sports-ը փոխանցում է Մարադոնայի խոսքը:Հիշեցնենք, որ մրցանակի համար պայքարում էին Ռոնալդուն, Մեսին ու Գրիզմանը, որոնք համապատասխանաբար ստացել էին ձայների 34.

4, 26.42 և 7.53 տոկոսը