Բրազիլիայի ու Պորտուգալիայի հավաքականների նախկին գլխավոր մարզիչ Լուիս Ֆելիպե Սկոլարին, որն այժմ գլխավորում է «Գուանչժու Էվերգրանդը», խոստովանել է, որ կցանկանար աշխատել Մադրիդի «Ռեալում»: Բրազիլացի մասնագետն այսպես է արձագանքել՝ պատասխանելով այն հարցին, թե հնարավորության դեպքում ինքը կցանկանա՞ր աշխատել «Ռեալում» կամ «Բարսելոնայում»:«Եթե ես «Ռեալում» կամ «Բարսելոնայում» աշխատելու առաջարկ ստանայի, նախապատվությունը կտայի «սպիտակներին»: «Ռեալն» ավելի շատ է համապատասխանում իմ խաղային փիլիսոփայությանը, քան «Բարսելոնան»,- EFE-ն փոխանցում է Սկոլարիի խոսքը:Նշենք, որ Սկոլարին միաժամանակ հերքել է տեղեկությունն այն մասին, թե ինքը հետաքրքրված է Պեպեի ծառայություններով: