📌ПРЭМ'ЕРА СЁННЯ НА БЕЛАРУСКІМ РАДЫЁ
✅ З 2⃣⃣6⃣⃣ па 3⃣⃣0⃣⃣ студзеня на Першым нацыянальным канале Беларускага радыё – поўная версія дэтэктыўнага радыёспектакля 🔍«Мегрэ і чалавек на лаўцы» ў пяці частках паводле вядомай аповесці французскага пісьменніка Жоржа Сіменона. У аснове аўдыяпастаноўкі - аповесць класіка дэтэктыўнага жанру ў перакладзе на беларускую мову пісьменніка Алеся Асташонка.
У цэнтры сюжэта – папулярны літаратурны герой, камісар паліцыі Мэгрэ, якога сам Сіменон называў «лекарам людскіх лёсаў». Нешматслоўны і стрыманы, з абвостраным пачуццём справядлівасці Мегрэ здольны разабрацца ў самых заблытаных справах. На гэты раз забойства здарылася ў Парыжы, на бульвары Сэн-Мартэн. Расследаванне з кожным крокам ускладняецца, але фінал, які няўмольна набліжаецца, аказваецца непрадказальным.
Аповесць адлюстроўвае крызіс сямейных каштоўнасцей у пасляваеннай Францыі (год напісання твора – 1953). На прыкладзе лёсу простага чалавека аўтар падкрэслівае важнасць захавання маральных прынцыпаў паводзін у грамадстве.
Творчая група радыёсерыяла: аўтар радыёп’есы пісьменнік Уладзімір Сцяпан, рэжысёр пастаноўкі Алег Вінярскі, музыка кампазітара Дзмітрыя Далгалёва, гукарэжысёр Валерый Бяляеў, рэдактар і кіраўнік праекта Галіна Шаблінская.
У галоўных ролях: заслужаны дзеяч мастацтваў Рэспублікі Беларусь, артыст Аляксандр Гарцуеў (роля аўтара), артыст Ігар Сідорчык (Мегрэ), народны артыст СССР Генадзь Аўсяннікаў (стары бухгалтар), заслужаныя артысты Рэспублікі Беларусь Андрэй Душачкін і Аляксандр Шароў (паліцэйскія Сантоні і Нэвэ), заслужаная артыстка Рэспублікі Беларусь Аксана Лясная (мадам Турэ), заслужаная артыстка Рэспублікі Беларусь Ганна Маланкіна (Антуанета Машэр), артыст Аляксандр Вергуноў (акрабат Шрамэк), артыстка Кацярына Крылова (Моніка Турэ).
🎧Слухайце поўную версію дэтэктыўнага радыёспектакля 🔍“Мегрэ і чалавек на лаўцы” ў пяці частках у 🎭“Тэатры Беларускага радыё” на Першым нацыянальным канале
з 2⃣⃣6⃣⃣ па 3⃣⃣0⃣⃣ студзеня ў вячэрнім эфіры ў 2⃣⃣2⃣⃣🔹0⃣⃣5⃣⃣ і пасля апоўначы - у 2⃣⃣🔹0⃣⃣5⃣⃣, а таксама анлайн на сайце https://radio1.by/
Присоединяйтесь к ОК, чтобы подписаться на группу и комментировать публикации.
Комментарии 1