🔔Мана, Рамазоннинг сўнгги кунларига ҳам етиб келди.

У ўз бағрида яхшилик, барака ва Аллоҳга яқинлашиш учун улкан имкониятни олиб келади. Бу – муборак кечалар бўлиб, улардан бирида минг ойдан афзал бўлган Қадр кечаси бор. Бу кечаларда Аллоҳнинг раҳмати тушади ва тақдирлар ёзилади.
⚡️Эй Аллоҳ, эй раҳмати ҳамма нарсани қамраб олган Зот! Мана, биз бу муборак кечаларда Сенинг эшигингни тақиллатмоқдамиз. Сендан афв ва рози бўлишингни тилаймиз. Бизни дўзахдан озод қилинган бандаларинг қаторига ёзгин. Бизнинг рўзамизни, намозимизни қабул қилгин, гуноҳларимизни мағфират этгин ва бизни Ўз фазлинг ва иноятинг билан Қадр кечасига етказгин.
⚡️Кунлар тез ўтмоқда, яхшилик ойи эса биздан кетишга яқинлашмоқда. Шундай экан, ғайратимизни оширайлик, қалбларимизни поклайлик ва уларни иймон ҳамда яқинга тўлдирайлик. Дуоларни кўпайтирайлик, Аллоҳга илтижо қилайлик, истиғфор айтайлик ва Қуръон тиловатини зиёда қилайлик. Бу кечаларни Аллоҳ билан аҳдимизни янгилайдиган, Унга илтижо қилиб, раҳмат ва мағфиратини сўрайдиган фурсатга айлантирайлик.
Аллоҳим! Бу муборак кечаларда бизни қабул қилинган бандаларинг қаторига ёзгин. Бизга раҳматинг ва фазлингдан улуш ато этгин. Қалбларимизни хушуъ билан тўлдиргин, тилларимизни Сенинг зикринг билан машғул қилгин.
Аллоҳ биздан ва сиздан солиҳ амалларни қабул қилсин, бизни Қадр кечасига етказсин ва бизни дўзахдан озод қилинган бандалари қаторига киритсин!