Предыдущая публикация
Иккинчи жаҳон уруши ҳақида айрим фактлар
1) 1939 йил 1 сентябрдан 1945 йил 2 сентябргача сайёрамизнинг турли ҳудудларида бўлиб ўтган жангу жадаллар Иккинчи жаҳон уруши деб аталади. Мазкур уруш 1939 йили Германия Полшага ҳужум қилиши билан бошланиб, 1945 йил 2 сентябр куни Американинг «Миссури» линкори бортида Япониянинг сўзсиз таслим бўлгани ҳақидаги акт имзоланиши билан тугаган.
2) Олти йилу бир кун давом этган Иккинчи жаҳон уруши инсоният тарихидаги энг улкан ва қонли уруш бўлган. Унда ўша пайтда сайёрамизда мавжуд бўлган 73 та давлатдан 61 таси иштирок этган. Урушга ер аҳолисининг 80 фоизи жалб қилинган, жанговар ҳаракатлар Европа, Осиё, Африка қитъалари ва тўртта океанда олиб борилган.
3) Иккинчи жаҳон урушида Италия, Руминия, Болгария, Финландия ва Ироқ ҳам нацистлар блоки, ҳам Гитлерга қарши коалиция тарафида туриб қатнашган. Масалан, Финландия 1941 йил 26 июнда Германия тарафида туриб урушга кирган бўлса, 1944 йил 19 сентябрда Германияга қарши урушга кирган.
4) Совет иттифоқининг Иккинчи жаҳон урушидаги иштироки икки даврга бўлинади: Улуғ ватан уруши (1941 йил 22 июн — 1945 йил 9 май) ва совет-япон уруши (1945 йил 9 август — 1945 йил 2 сентябр). Совет тарихчилигида Ишчи-деҳқон қизил армиясининг 1939 йили Полшага қилган юриши, 1939 — 1940-йилларда бўлиб ўтган совет-финн уруши, 1939 йилги Халхин-Гол можаросининг Иккинчи жаҳон урушига дахли йўқ деб ҳисобланган.
5) Антигитлер коалициясидаги «катта учлик»дан энг охири АҚШ Иккинчи жаҳон урушига қўшилган. 1941 йил 7 декабрда Япония Американинг Пёрл-Харбор ҳарбий-денгиз базасига ҳужум қилгандан сўнг 8 декабрда АҚШ Японияга қарши урушга кирган. 1941 йил 11 декабрда Германия ва Италия АҚШга уруш эълон қилган.
6) Иккинчи жаҳон уруши атом бомбаси қўлланган ягона қуролли тўқнашувдир. Америка авиацияси 1945 йил 6 августда Япониянинг Хиросима шаҳрига «Кичкинтой» номли, 9 августда эса Нагасаки шаҳрига «Бақалоқ» номли атом бомбаларини ташлаган. Кули кўкка совурилган Хиросимада 90 мингдан 166 минггача, Нагасакида 60 мингдан 80 минггача киши ҳалок бўлган.
7) Иккинчи жаҳон уруши тугаганига 70 йилдан зиёд вақт ўтган бўлса-да, ҳануз Россия (СССРнинг ҳуқуқий вориси) ва Япония ўртасида тинчлик битими тузилгани йўқ. Чунки уруш якунига кўра Жанубий Курил тизмасининг Россия таркибига қўшиб олинган Кунашир, Итуруп, Хибомаи ва Шикотан оролларини Япония ҳамон ўзиники деб ҳисоблайди. Шундай қилиб бу икки давлат бугунги кунгача расман уруш ҳолатидадир.
8) Иккинчи жаҳон уруши давомида урушаётган давлатлар жами 110 млн.дан зиёд кишини армияга жалб қилган, уларнинг 25 млн.га яқини ҳалок бўлган. Ҳарбий бўлмаганларни ҳам қўшиб ҳисоблаганда уруш қурбонлари сони 65 млн.дан ошади. Ҳалок бўлганларнинг аниқ сони ҳалигача маълум эмас. Биргина Совет иттифоқининг ўзида 1710 та шаҳар, 70 мингдан ортиқ қишлоқ, 32 мингта завод ва фабрика вайрон қилинган.
9) Иккинчи жаҳон урушида юзага келган антигитлер коалицияси базасида асосий вазифаси бундан кейинги жаҳон урушларининг олдини олиш бўлган Бирлашган миллатлар ташкилоти тузилган. «Бирлашган миллатлар» атамаси 1942 йил 1 январ куни имзоланган Бирлашган миллатлар декларациясида биринчи марта ишлатилган. БМТ устави Сан-Франциско конференциясида 50 давлат вакиллари томонидан 1945 йил 26 июнда тасдиқланган.
Гитлер наркотик истеъмол қилганми, унинг амалга ошмаган режалари ҳақида фактлар...
1. Гитлер Россия пойтахти Москва шаҳридаги жами тирик жонни қириб, шаҳарни сувга чўктириб юборишни режалаштирган. Бунинг учун аввал алоҳида сув омбори қуришни мўлжаллаган.
2. Немислар генерали Эрвин Роммель Гитлернинг асирликдаги еврейларни оммавий тарзда ўлдириш ҳақидаги буйруғини бажаришдан бош тортган.
3. Адольф Гитлер болаликдан рассом бўлишни орзу қиларди. Аммо Венадаги архитектура мактабига кириш имтиҳонларидан ўта олмаган.
4. Гитлер 1942 йилдан то ўлимигача, аниқроғи, 1945 йилга қадар наркотик истеъмол қилган. Шу сабабли қўл остидаги армия фашистларига ҳам доимий равишда наркотик тарқаттирган.
5. 1936 йили Гитлер Берлинда ўтган олимпия ўйинлари ғолибларига чинор кўчатларини ҳадя қилган.
6. Гитлер тиш дўхтиридан ўлгудек қўрққан. Худди қизлар каби чиройли ёзганлиги учун мактабдагилар маълум вақт уни ҳезалак бўлса керак деб ўйлашган.
7. У Уинстон Черчиллни шоколад конфетига жойланган бомба ёрдамида ўлдирмоқчи бўлган.
8. Гитлер ўсмир пайтида еврей миллатига мансуб қизни севарди. Аммо ҳеч қачон муҳаббатини қизга изҳор эта олмаган.
9. Гитлернинг фамилияси Шикльгрубер бўлиши лозим эди. Аммо отаси 1877 йили Гитлер фамилиясига ўзгартирган.
10. Гитлер вегетариан бўлган. Шу сабабли ҳайвонларни ҳимоя қилишга оид кўплаб қонунлар ўйлаб топган.
11. Гитлер 1924 йили Ландсберг турмасида жазо муддатини ўтаётиб, “Мерседес” компанияси офисига автомобиль сотиб олиш учун кредит беришни сўраб мурожаат этган.
12. Гитлернинг кабинетида Генри Форднинг портрети осиғлик турган. Гўёки Форднинг суратига боқса, фашистлар етакчиси илҳом олармиш.
13. Америка махфий хизмат ташкилоти ходимлари кўп маротаба Гитлернинг овқатига эстроген — аёллар гармонини қўшишга, шу йўл билан уни аёлсифатга айлантириб қўйишга уринган. Бироқ уддасидан чиқа олмаган.
14. Гитлер “Айлурофобия” хасталиги (Мушукдан қаттиқ қўрқиш) билан оғриган. Бундан ташқари, “Метеоризм”дан ҳам азобланган. Бу хасталикка қарши курашиш йўлида 28 хил дори воситасидан фойдаланиб кўрган. Барибир тузалиб кетмаган. Эслатиб ўтамиз, метеоризмга чалинганлар ҳаво ўзгариши туфайли турли оғриқларни бошдан ўтказади. Ўзини ёмон ҳис эта бошлайди.
15. Тўрт ёшида Гитлер сувга чўкиб кетган. Аммо уни бир руҳоний қутқариб қолган экан.
16. 1913 йили Гитлер Сталин билан Венада қўшни бўлиб яшаган. Ҳатто, кафега кофе ичиш учун бирга кириб юришган.
17. Гитлер ва Усама бин Ладеннинг ўлими ҳақидаги хабар бир кунда — 1 май куни эълон қилинган.
Следующая публикация
Комментарии 3