Любительское объединение "Зернышко". Обряд "Ляльник". На свята Ляльнік апраналі дзяўчыну ў доўгае белае адзенне, перавязвалі шыю і стан рознаю зелянінаю, а на галаву клалі вянок з розных веснавых кветак. У такім уборы саджалі дзяўчыну Лялю на лаўку дзярновую, на якой з аднаго боку пастаўлены гладышкі з малаком, сырам, маслам, яйкамі, смятанай, а з другой стараны – хлеб. Каля ног клалі вяночкі, адпаведна ліку дзяўчат з карагода. Затым водзяць карагоды вакол Лялі. Яна частуе дзяўчат гасцінцамі. Тады зноў водзяць карагоды, а Ляля ў гэты час кожнай на голаву апранае вянок, праз гэта Ляля надзяляла іх прыгажосцю, здароўем і добрай доляй.