Яшлыкъны язгъы ели

Гюлайландай айлана.
Не яхшыдыдыр оьз къысматын
Тюшмейгени сайлама...
************************
Сызгъырагъан юваш еллер
Башын сыйпай ашлыкъны.
Гёпюртюп гёк капотумну
Эсге сала яшлыкъны.
Яшда йимик шо йылы ел
Узун чачымны сыйпай....
Юртгъа гелип гетсем,гене
Бир сорав жаным къыйнай.
Эшсе эшсин йылы еллер
Татувлукъ ёкъ алдындай...
Кюр яшлары оькюреген
Орамлары дангылдай...
Алдын йимик авул-хоншу
Очар не экенни билмей...
Жыйылышып бир тепсиге
Талгъыр харбузну тилмей
Мени къартым-ЭСГИ КЁСТЕК
Тар,айланч орамлары
Гьар орамны башында
Ахшамгъы очарлары...
Эренлер эркек кюйде
Къызгъын лакъырт этеген
Юрт,жамият масъалалар
Шо еринде битеген..
Топ ургъандай тозулгъан
Очарлары алдынгъы
Телефон булан машгъул
Яш-уллусу халкъымны
Базып-батып алдын йимик
Къурдаш къонакълай гирмей
Яраймы бугюн чыкъма? -деп
Алдын телефон сёйлей..
Телефондан юрюле
Кёп тюрлю сатыв ишлер...
Гюн сайын арта бара
Нече тюрлю мердишлер..
Телефондан къыз сайлап
Менмен деген уланлар
СМС гелин булан
Заманлыкъ уьй къуралар...
Телефондан таныгъан деп
Гелечи бара къызгъа...
Айта турсакъ агьыбыз кёп
Сыймажакъ акъ кагъызгъа...
Барысы да гьеч эди
Билим тергевсюз бугюн!
Телефонгъа таянып
Охувлар бузукъ бютюн
Гележегибиз недир,
Шулай оьтсе заманлар?
Ягъадан къарап,кюлеп
Харс ура бир яманлар.
Сюер эдим мен гьаясыз
Яшлыгъыма къайтмагъа
Яшдагъы къурдашларыма
Яман тюшюм айтмагъа
Савлай алам юхлай бугюн
Къатты тюшге батылып..
Уятмасын элимни
Топ тавушлар атылып!!!
Сесгендирмей эс тапдырсын
Язывчуну къаламы
Инанаман гюн шавлалар
Къуршажакъгъа аламны!!!
ДАЙБАТ А. САЛИХОВА
30.07.2020.
КОСТЕК.