Предыдущая публикация
13-Воин:
ЖҮУЕРИ ГҮРТИК.
Түйе тауық гөшлеринен салынған
Майлы сорпаларға әбден малынған,
Сазан балықлардай сүзип алынған
Тайпақты толтырған жүуери гүртик.
Қасында сорпасы толы тостаған
Оннан жан сақлаған, елим поспаған,
Болсадағы дәм бериуши қоспаған
Сондай мап-мазалы жүуери гүртик.
Қарақалпақ ушын ғана жаралған
Тағам екен палуан, дийқан нәр алған.
Болмасада журтқа аты таралған
Булда оның сыры, жүуери гүртик.
Аппақ жүуериниң уны қарылып
Бийдай уны дәм енгизер жарылық.
Жеген адам дәртлеринен арылып
Шыпа бағыш екен жүуери гүртик.
Жанполат Кәрим. 13.11.2019.
Следующая публикация
Нет комментариев