Предыдущая публикация
1837-1182
Чам джыр
Апий кетгенди эринден.
Эри кетгенди элимден.
Ийнанмагъан, келигиз да, кёрюгюз.
Голджа кетгенди эшекден,
Джашы кетгенди терекден.
Аллах ючюн, кюле - кюле ёлюгюз.
Къантау кетгенди орундан.
Кёпюр кетгенди орнундан.
Ийнанмагъан, келигиз да, кёрюгюз.
Кюлтю тюшгенди оджакъдан.
Оджакъ тюшгенди башындан.
Аллах ючюн, кюле - кюле ёлюгюз.
Тентей ургъанды чагъырдан.
Чагъыр чыкъгъанды шалбардан.
Ийнанмагъан, келигиз да, кёрюгюз.
Бугъа къачханды ийнекден.
Ийнек къачханды челекден.
Аллах ючюн, кюле – кюле ёлюгюз.
Чалкъы, сюргенди, Асанны.
Асан тюйгенди басханы.
Ийнанмагъан, келигиз да, кёрюгюз.
Къатын тириди Алгъырдан.
Алгъыр кетгенди акъылдан.
Аллах ючюн, кюле - кюле ёлюгюз.
Кюлбет сюйеди Ханийни.
Ханий излейди Хамбийни.
Ийнанмагъан, келигиз да, кёрюгюз.
Кирди шайтан бу шам джерге.
Былайды чот бу нарт элде.
Аллах ючюн, джылай-джылай ёлюгюз.
14.03.92.
Ёзден улу
Следующая публикация
Нет комментариев