Алдығыҙға алһыу гөлдәр йәйәм,

Юлығыҙға – йәшел яландар.
Мең мәртәбә бәхетлелер ерҙә
Мөхәббәтен таба алғандар .
Мөхәббәттең күге – гел ҡояшлы ,
Туғайҙары – һәр саҡ турғайлы.
Мөхәббәттең таңы – гел былбыллы,
Мөхәббәттең төнө – гел айлы...
Әгәр күңелең мохтажлыҡҡа сыҡһа
Һәм теләһә һинән бер аҡлыҡ , –
Был гөнаһлы ерҙә йәшәй алған
Мөхәббәттә генә гөнаһ юҡ !
Яралауы уның – шифа ғына ,
Яҙмыш һине үтһә яралап, –
Мөхәббәтең һаҡлап ҡалыр һәр саҡ ,
Мөхәббәтең ҡалыр аралап.
Алдығыҙға алһыу гөлдәр йәйәм,
Юлығыҙға – йәшел үләндәр .
Мең мәртәбә бәхет теләйем һеҙгә ,
Мөхәббәтен таба белгәндәр!.