Ниләр генә килми сезнең кулдан?
Сез биктә күп һөнәр иясе.
Эшләгән эшегезнең очы- кырые юк,
Килә сезгә башны иясе.
Сезгә Ходай түземлек тә биргән,
Сабырлык та биргән мул итеп.
Тормыш бит, ул, гел рәхәттән тормый
Уйлыйм, сезне, исләрем китеп.
Балаларның газиз әнисе- сез.
Яраткан “Әбекәй” – күпме оныкка.
Сезнең ярдәмгә мохтаҗ- без бар,әле,
Торалмыйбыз сезсез – минутта.
Барсына да вакыт бүләсез, сез.
Һәр берсенә җаен табасыз.
Күңел җылыгыз һәр кемгә дә җитә,
Ихътыяр көчегез – чамасыз.
Әни була белү – мактаулы вазифа.
Ана данын кирәк сакларга!
Бәхет ачкычы сезгә тапшырылган,
Ышанычны кирәк акларга!
26 нчы ноябрь , ул, әниләр көне.
Котлыйм сезне шушы уңайдан!
Барлык әниләргә озын гомер, бәхет,
Сәламәтлек сорыйм Ходайдан.
Присоединяйтесь к ОК, чтобы посмотреть больше фото, видео и найти новых друзей.
Нет комментариев