Инсоният хамма нарсанинг тескарисини қилишга одатланган...!
Улғайишга ошиқади, кейин болалигини қўмсаб хўрсинади...
Бойлик йўлида ўз соғлиғидан хам кечади, кейин ўша соғлиқни тиклаш учун миллионлар сарфлайди...!
Келажакка шу даражада сабрсизлик билан интиладики, бу интилиш йўлида ҳозирги замонидан ҳам воз кечади, натижада на унга эришади ва на буниси билан қолади...
Худди хеч қачон ўлмайдигандай яшайдида, афсуски, аксарият ҳолларда ҳеч қачон яшамагандай дунёдан ўтади...!
Ростдан хам шунақа.
Инсоният хамма нарсани тескари қилишга, тескари кўришга одатланган.
Бировга ёмонлик қилиб рохатланади, ўзига ёмонлик қилиб завқ олганларни эса қарғайди...
Бировга мехр беришни истамайди, лекин ўзига кераклича мехр бермаётганликларидан нолиб, дунёларга сиғмайди...
Дунёнинг беш кунлигини билади, хис қилади, эшитади, такрор эшитади, яна эшитади, лекин минг йил яшайдигандай кибрланаверади...!
"Дўстим йўқ" деб хафа бўлади, унга узатилган дўстлик қўлларини эса рад этишдан чарчамайди...!
Ўзи бировни кечира олмайди, лекин гунохларини Aллоҳ кечиришига умид қилиб, тавба қилаверади...
Яқин кишисининг кичик айбини кўради, пашшадан фил ясайди, кичик нуқсони учун кечагина энг яқини бўлган одамидан хам ўйламай воз кечади...
Ҳамманинг дилини оғритади. Яна:
“Мен нега бахтли бўлолмайман” дея ажабланиб ҳам қўяди...!
Уйланиш ташвишида юрган 25 яшар йигит, тинмай йиғлаётган 4 яшар болага деди: "Бунча йиғлайсан, маза қилиб овқатланиб, мультфильм кўриб ётмайсанми? Бирор ўйловинг бўлмаса. Сенга ҳавасим келяпти...".
Маошини у ойдан бу ойга етказаётган 35 яшар эркак, уйланиш ташвишида юрган 25 яшар бўйдоққа деди: "Бунча сиқиласан? Уйланарсанам, жонинга ҳам тегар. Мана, қарагин, аҳволимни. Сенга жуда ҳавасим келяпти...".
Бизнеси ўхшамаган ва банкрот бўлиб боши ташвишдан чиқмаётган 55 яшар киши, 35 яшарга деди: "Борига шукур қилинг. Кам маош олсангизам, қулоғиз тинч. Мана, умрим бўйи боримни берган бизнесим касодга учраб, қулоғимгача қарзга ботиб кетдим. Сизга қанчалик ҳавас қилаётганимни тасаввур ҳам қилолмайсиз..".
Унинг гапини эшитиб турган 70 яшар чол деди: "Бунча сиқиласан? Менга ўхшаб, белинг қақшаб, оёғинг қалтирамаяпти-ку, ўрнингда бўлганимда тоғни уриб, талқон қилардим. Ҳавасимни келтирма...".
Қабрда ётган марҳум уларга қараб нидо қилди: "Барчангизга ҳавасим келяпти, чунки сизда тавба қилиш имконияти бор. Қани эди менда шундай имконият бўлганида эди, бутун ҳаётимни унга фидо қилардим...".
Присоединяйтесь к ОК, чтобы посмотреть больше фото, видео и найти новых друзей.
Нет комментариев