Предыдущая публикация
Ризқим тугаб дунёдан ўтсам,
Тобутимни кўтаргин болам.
Отажоним рози бўлинг деб,
Қабирга ҳам ўзинг қўй болам.
Ғафлат босмай эртароқ туриб,
Намозингни ўқигин болам.
Ўқиб бўлгач дуо қилар чоғ,
Мени ҳам бир эслаб қўй болам.
Муборакдир жума айёми,
Қабристонга келиб тур болам.
Отам ётган қабр шу дея,
Руҳимни шод этиб тур болам.
Ёмонлардан йироқроқ юргин,
Харом ишдан хазар қил болам.
Яхши одам десин ортингдан,
Номинга доғ туширма болам.
Неки қилсанг қайтар албатта,
Унутмагин шуни жон болам.
Савоб ишлар қилгин кўпроқ,
Қиёматни ёдда тут болам
Следующая публикация
Нет комментариев