Մի բարևեք ինձ ձևական
Մի ժպտացեք անիրական,
Մի հարցրեք թե , ինչպես եմ'
Հենց ուղղակի, վերացական.....
Ձևի գերին ես չեմ դառնում
Ձևականն էլ չեմ ընդունում,
Թե շփվում եք' եղեք անկեղծ,
Իսկ եթե ոչ' փորձեք անցնել։
Հոգիս նուրբ է ու զգայուն,
Չի ընդունում շինծուն կյանքում
Շուտ է զգում դիմացինին'
Հիասթափվում է կամ ցնծում.....
Մի բարևեք ինձ ձևական
Մի ժպտացեք անիրական,
Ձևի համար ես չեմ ապրում
Ձևականն էլ շատ եմ ատում։
Ալիսա
Դարձար գրիչս
Ինձանով գրեցիր,
Ճերմակ թանաքով
Հոգիս լցրիր։
Ես ծվարել եմ
Կրծքիդ շվաքում,
Սրտիտ զարկն եմ
Հատ _հատ հավաքում։
Ինձ լուռ թովել է
Թարթը աչքերիդ,
Խելքամաղել է
Փոսիկը այտիդ։
Մարմինդ մարմար,
Հայացքդ լուսե
Հրդեհ ես անմար,
Ներսումս վառել։
Այն սերը , որ կա
Կմեռնի ինձ հետ
Իսկ թե չմեռա '
Ես քոնն եմ հավետ.....
Ալիսա Հովհաննիսյան