Дўст-у ўртоқ кутади.
Юрагингга ғам тўлса,
Онанг уйғоқ кутади.
Югурасан, еласан,
Ярим кеча келасан.
Ўзинг кўриб биласан,
Онанг уйғоқ кутади.
Ухлаб ётар боланг ҳам,
Юзлари гул - лоланг ҳам.
Билсанг, ана ўша дам,
Онанг уйғоқ кутади.
Қайсарлик йўлин тутма,
Ўзгадан меҳр кутма.
Гапларимни унутма,
Онанг уйғоқ кутади.
Гарчи зўрсан, мағрурсан,
Шод-у харрам, масрурсан,
Келдим деб қўй - мажбурсан,
Онанг уйғоқ кутади.
Ëшинг юзга тўлса гар,
Юзинг гулдай сўлса гар,
Агар ҳаёт бўлсалар,
Онанг уйғоқ кутади.
Онангга бер қалб қўринг,
Яшнаб кетсин дил тўринг.
Меҳрибонинг, ғамхўринг --
Онанг уйғоқ кутади.
Гапларинг ўтмаса ҳам,
Бахт қўлинг тутмаса ҳам,
Ҳеч кимса кутмаса ҳам,
Онанг уйғоқ кутади.
Жавлон уриб юр, дўстим,
Давру даврон сур, дўстим.
Дуо олиб тур, дўстим,
Онанг уйғоқ кутади.
«SH I R I N D I Y D O R»
𝐊𝐚𝐧𝐚𝐥𝐢𝐠𝐚 𝐨𝐛𝐮𝐧𝐚 𝐛𝐨'𝐥𝐢𝐧𝐠 ⤵️
✨✨✨✨✨✨✨✨✨ https://t.me/joinchat/UySDZvbPJWl-GKjF
Присоединяйтесь к ОК, чтобы посмотреть больше фото, видео и найти новых друзей.
Нет комментариев