☜♡☞ Ман ба ҳар роҳе, ки бошад сӯи Аллоҳ меравам,
☜♡☞ Дар дилам алҳамду ли-л-Лаҳ' сӯйи Даргоҳ меравам.
☜♡☞ Бар кафам гаҳ бодаву гаҳ сабҳаву гоҳе зуннор'
☜♡☞ Аз макони «Ло илоҳа» то «ила-л-Лоҳ» меравам..
☜♡☞ Дар замирам аз азал ҷозибаи Ишқи Вай аст!
☜♡☞ Баҳри дидор то абад ман хоҳу нохоҳ меравам.
☜♡☞ Пеши чашмонам Худосту дар замирам низ ҳам,
☜♡☞ Дасти ҳам бигрифта бо Ӯ то ҳува-л-Лоҳ' меравам.
☜♡☞ Дил макони дидани дидори рӯйи Дӯст аст,
☜♡☞ Гоҳ ғарқи баҳри дил мегардаму гоҳ меравам.
☜♡☞ Пешу пас, болову поён, дар чапу ростам Худост'
☜♡☞ Ҳар кучо, ки меравам ман, сӯйи Аллоҳ' меравам!
☜♡☞ Ҳаст ҷони ман зи Аллоҳу дилам маъвои Ӯст'
☜♡☞ Руз бо Шамси мунаввар, шом бо Моҳ меравам.
☜♡☞ Нест ин дунё маро маъвою ҷойи зист ҳам,
☜♡☞ Менишинам як замону баъд аз он роҳ меравам.
☜♡☞ Ин ҷаҳон як мактаби бигрифтани таҷриба аст,
☜♡☞ Рушд меёбам дар ону боз бар роҳ меравам.
☜♡☞ Нест манро бо касу чизе гаҳе пайвастагӣ,
☜♡☞ Тарки ҷумла карда, як рӯз ё, ки бегоҳ меравам.
☜♡☞ Баъди ҳар як оламе дунёи дигар мешавад,
☜♡☞ Гоҳ дар маъвои халку гоҳ фиЛлоҳ меравам.
☜♡☞Чумла роҳҳо хамчу зина мебарад сӯи абад,
☜♡☞ Мегирам таҷрибаи наврову он гоҳ меравам.
☜♡☞ Роҳҳои зиндагӣ пурпечу тоб аст, эй Худо,
☜♡☞ Гоҳ дар болои кӯҳу гоҳ бар чоҳ меравам.
☜♡☞ Роҳи ман душвору сангин аст, осонаш намо!
☜♡☞ Дастгири ман шавӣ, аз моҳӣ то моҳ меравам.
☜♡☞ Ҳолиё ман мекашам ҷабру ҷафои зиндагӣ,
☜♡☞ Охир, эй дунё, зи ту бо нолаву оҳ меравам.
☜♡☞ Ман, ки мурдам, эй ҷаҳон бар мурдаам нолон машав,
☜♡☞ Ман зи ту нестам, охир, сӯйи Боргоҳ меравам.
☜♡☞ Ман зуҳури талъати як Нӯри Поки Ҳастиям,
☜♡☞ Гоҳ берун мешавам аз ҷояму гоҳ меравам.
☜♡☞ Ту мапиндор, ки мусалмонӣ савоб асту гуноҳ,
☜♡☞ Рохи рушди шахсӣ асту ман ҳам он роҳ меравам.
☜♡☞ Худ савоб пешрафти Рӯхонӣ, гуноҳ пасрафтан аст,
☜♡☞ Гоҳ дар ҷоям нишаста, сӯйи пеш гоҳ меравам.
☜♡☞ Ҳам анна-л-Ҳаққ ҳам ҳува-л-Лоҳ худ таҷаллии Туст,
☜♡☞ Ту ишорат мекуниву ман ба он роҳ меравам.»
Присоединяйтесь к ОК, чтобы посмотреть больше фото, видео и найти новых друзей.
Нет комментариев