Мен ҳам борман, билмайди
ҳеч ким,
Борлиғимдан бермайман дарак!
Бугун сени яна эсладим,
Мени ҳали эсласанг керак!
Куч қолмади яшашга манда,
Сўроқладим сени жонсарак.
Ҳеч ким мендай севолмаганда,
Мени ҳали эсласанг керак!
Учраштирмас йўллар, эҳтимол,
Балки қилар шу йўллар ҳалак.
Лекин бир кун келмасдан малол,
Мени ҳали эсласанг керак
Muhabbatni savdo qilgan,
Bozorlarda alamim bor.
Yuragimni ado qilgan,
Ozorlarda alamim bor.
Bunda taqdir hato qilgan,
Shox ko'ngilni gado qilgan.
Yorni yordan judo qilgan,
Yor- yor-larda alamim bor.
Ey yoronlar bo'lmang hayron,
Meni bag'ri dilim vayron.
Dimog'lari osmon osmon,
Kiborlarda alamim bor.
Ko'ngil dardin davosi yo'q.
Yurak yig'lar ovozi yo'q.
O'sha dilda vafosi yo'q,
Dildorlarda alamim bor.
Ko'ngli tog'dek o'sib ketgan,
Yuragimni ezib ketgan.
Bahtim yo'lin to'sib ketgan,
Viqorlarda alamim bor.
Bu alamli dunyosida,
Muhabbat bir ro'yosida.
Bugun Telba qiyosida,
Laylolarda alamim bor .