Йўлларимда учради кўплаб, Турфа таниш ё нотанишлар, Хаммангизни бир ерда тўплаб. Оллох учун сизларни севдим. Гоҳ эшитдим дардларингизни, Кўнглингизни кўшкида юрдим, Олиб юрак гардларингизни, Оллох учун сизларни севдим. Керак эмас менга ишқингиз, Ёнингизда дўст бўлиб турдим. Келмасинда сизни рашкингиз. Оллох учун сизларни севдим. Сўз айтмадим ранжитадиган, Ўзгармадим кимлар учундир. Одатим йўқ камситадиган, Оллох учун сизларни севдим. Балки дерсиз, гапинг қалбаки, Қалбингиздан ўрнимни топдим. Кимлар учун қайсарман балки, Оллох учун сизларни севдим. Сиз билмайсиз ташвишларимни, Сездирмадим кўз ёшларимни. Ичга ютиб хонишларини, Оллох учун сизларни севдим. Сизлар билан жоним рохатда, Учраштирган Оллохга сано. Жам бўлайлик гўзал жаннатда, Оллох учун сизларни севдим.