Предыдущая публикация
Жонингда авайла ширин жонимни,
Ўзингсиз кунларга ишонма мени,
Ўзингсиз қолдирма бирон онимни!
Мен сени ҳеч кимга бермайман деб айт,
Бошимда минг қуёш порласин шу пайт.
Сўзларинг қўшиқми, ё чиройли байт,
Ўзингсиз қолдирма бирон онимни!
Қўлингдан қўлимни қўйма умрбод,
Сенингсиз татимас менга бу ҳаёт,
Фалакни тутмасин десанг гар фарёд,
Ўзингсиз қолдирма бирон онимни!
Сен йўқ лаҳзаларга етмас бардошим,
Эй кўзи жодули, эй қалам қошим,
Дарёлар ичмасин десанг кўз ёшим,
Ўзингсиз қолдирма бирон онимни!
Ҳаётим ёритсин юзинг шуласи,
Боғнинг атиргули, тоғнинг лоласи,
Мен ҳам бир мўминнинг ёлғиз боласи,
Ўзингсиз қолдирма бирон онимни!
Присоединяйтесь к ОК, чтобы посмотреть больше фото, видео и найти новых друзей.
Комментарии 1