Ғаним кулса жимлигингиздан.
Ғамлар ғамга лимлигингиздан,
Кутгувчингиз битта, Онангиз.
Кулиб турар чекиб минг озор,
Мехрингизнинг илхақи бемор.
Юз ёшда хам болам деб бедор,
Кутгувчингиз битта, Онангиз.
Миннат қилмас Оналик шонин,
Сизсиз емас бир бурда нонин.
Сўрасангиз савдосиз жонин,
Тутгувчингиз битта, Онангиз.
Хақдек чин дўст бу дунё ровда,
Хеч панд бермас аламда, ғовда.
Сиз деб жонин, жисмин оловда,
Утгувчингиз битта, Онангиз.
Рўзғор номлик халтангиз тешик,
Ёлғон дунё беш кунлик бешик.
Сиздан хамма кечса хам эшик,
Қоққувчингиз битта, Онангиз.
Сизни бунга келтирган зот ким,
Куйган кўнгил, хасратлари лим.
Ранжитсангиз бир сўз демай жим,
Боққувчингиз битта, Онангиз.
Яқинларга бўлсангиз биров,
Боғингизни босса қор, қиров.
Сўнса умид чўғ бўлиб олов,
Ёққувчингиз битта, Онангиз.
Омад келса галма-гал, қатор,
Дунё боқса жилмайиб, хумор.
Кўз тегмасин дея бўзтумор,
Таққувчингиз битта, Онангиз.
Қолса Ғулом қароғида нам,
Дунё жабри бир жонида жам.
Хақдан унга панох сўраб, ғам,
Кутгувчи бир, битта у Она.
Присоединяйтесь к ОК, чтобы посмотреть больше фото, видео и найти новых друзей.
Комментарии 3