Երբ հարուստ մարդը խմող է լինում, ասում են՝ շատ ուտող- խմող մարդ է, երբ աղքատն է խմող լինում, ասում են՝ հարբեցողի մեկն է․․․ Երբ հարուստ մարդը արտագաղթում է, ասում են՝ բիզնեսները տեղափոխեց արտասահման, իսկ աղքատը՝ արտագաղթելով ուղղակի լքում է Հայրենիքը։ Երբ հարուստն է շատ երեխաներ ունենում, դա երեխասերությունից է, երբ աղքատն է շատ երեխաներ ունենում, դա անգրագիտությունից է․․․ Երբ հարուստն է գողանում, նա կոչվում է շուստրի, իսկ երբ աղքատն է գողանում, երեխաների վիզը ծուռ է մնում․․․ Երբ հարուստն է հարկերից խուսափում, դա « օդում կախված լուր» է, երբ աղքատն է հարկերից խուսափում, դա ժանգոտ բուտկայի պլոմբված դուռ է․․․ Երբ աղքատն է վերադառնում Հայրենիք, դա հաստատ հայրենասիրությունից չէ, երբ հարուստն է վերադառնում, դա նախնիների կանչն է․․․ Երբ հարուստին տղա է ծնվում, ասում են՝ ժառանգորդ և ծուխը շարունակող է ծնվել, իսկ աղքատի ծնված միակ տղան նախևառաջ զինվոր է․․․ Երբ երկու աղքատ զրուցում են իրենց աղքատությունից, դա ազգային անվտանգության սպառնալիք է, երբ երկու հարուստ են զրուցում, դա Ազգային ժողովի շենքում է․․․ Հ.

Информация Artur доступна только авторизованным пользователям.