Чăвашăм, сан чаплă ят! Ӑҫтан тупрӑн кун пек ят? Малтан яту та пулман. Сана никам та курман. Пӳлӗхҫӗ тунӑ чухне. Пӗлӗт ҫинчен антӑн-им? Никам та курман чухне Çĕр айĕнчен тухрăн-им? Пӳлӗхҫӗ сана тусан, Хăй çухалса кайнă тет. Нимĕнле ят парайман, Хăйне хăй ят патăр тет. Турă чăваша курсан, Виç талăк макарнă тет. Хăйĕнпе тан пуласран, Çав тери хăранă тет. Аслă Турă куçĕнчен Куççуль шыв пек юхнă тет. Çĕр пичĕн путăкĕсем Шывпа тулса ларнă тет. Тинĕссем, океансем, Çырмасем, юханшывсем Шавласа юхма пуçланă, Çĕр çинче пурнăç пуçланнă. Чăваша туман пулсан, Куççулĕ те юхмĕччĕ. Куççулĕ юхман пулсан, Çĕр çинче шыв пулмĕччĕ. Мĕнле пулнă, çапла пулнă, Çпла пулмалла пулнă. Шывран пурнăç пуçланнă, Шыв турри - чăваш пулнă. Кун-çулĕ йывăр пулнă, Пин çул ятсăр пурăннă. Пурпĕр утнă малалла, Иртни юлнă каялла. Чун каниччен ĕçленĕ, Çепĕç юрă юрланă. Тĕрĕллĕ тум тăхăннă, Çын куç умне курăннă. Нимĕçпе мадьярсене, Пăлхарпа вырăссене, Арабпа венгерсене Тĕлĕнтернĕ чăвашсем. Арабсен писателĕ, Ибн Фадлан тĕпчевçĕ Чăваш сăмахĕсене Хут çине çырса илнĕ. Шыв ашшĕне палласа Чăвашсене пуçласа «Суваз» тесе ят панă, Çакăнтан пăр тапраннă. "Су" тесе шыва каланă, Шыв ашшĕ - чăваш турри. Пурнăç пурри - шыв пурри, Çавăнпа ăна пуç çапнă, Атăлçи пăлхарĕсем Чăвашсем пурăнакан Пĕр пысăк хула ятне Сувар тесе ят анă. Тахçан ĕлĕк авалах Шыв туррине асăнса Атăл шывĕн юппине Сура тесе каланă. Пушкăртсем ахальтен мар Чăваша «сыуас» теçҫĕ. Çармăссем пире «суас», Çемçетсе «çуаç» теççĕ. Хамăра хамăр ят панă, «Эп – чăваш!» - тесе каланă. Вырăссем хирĕçлемеççĕ, «Эппин эс чуваш» - теççĕ. Пурнăçра чи кирли – шыв, Вăл ан пĕттĕр тĕнчере. Чăвашăм, сан чаплă ят, Яту юлтăр ĕмĕре. Кекен ялĕ, Никифророва Мелания