Эпĕ хамăр садра, Хурт вĕлли ман умра. Пыл хурчĕ пахчара Сĕр сĕрлет хăлхара. Ĕçлĕ хурт тăрăшать, Сиплĕ пыл пуçтарать. Пирĕн валли пылне Вăл сĕнет кашнине. Ырă чечек çине Пыл хурчĕ иленет. Хăйĕн ури çине Тем чуль нектар тиет Пыл хурчĕн чечекпе Пур пĕр пек енĕнсем. Тертлĕ ĕç тунипе Иккĕшĕ пĕр вĕсем. Пыл хурчĕ çеçкесĕр Ним чуль пыл тăваймĕ. Ҫак çеçке нектарсăр, Тин илĕртмĕш пулмĕ. Эпĕ шур çеçкеччĕ, Эсĕ пыл хурчĕччĕ. Манăн халь мĕн тăвас? Сансăр мĕнле пурнас? Хурт ами çук пулсан, Хурт йышĕ саланать. Пÿрт хуçи пулмасан, Тунсăх пуçа усать. Мелания Тускӑнай