У-у, çĕр çырли, çĕр çырли - Çимĕçсенчен чи тутли. Ырă шăршă саракан, Вăл ĕлкĕрет чи малтан. Питĕ тутлă çĕр çырли, Пиçнё-çитнĕ хĕр пики - Хăйĕн сĕткенлĕхĕпе, Тутлă техĕмлĕхĕпе. Сад пахчинчи çĕр çырли, Чи хитри те чи тутли, Сар хĕвелпе хĕрелни, Çумăр шывпе пĕвенни. Çĕр çырли – паха çырла, Эсĕ ăна ан хурла. Усă кур унпа ялан, Унăн сиплĕхне ан ман Магни, тĕрлĕ витамин, Кали, бета-каротин – Тĕрлĕ чир-чĕртен сыхлать, Пурăнмашкăн вăй парать. Пит те пĕтĕркеленмест, Шăл та кĕмĕл пек çиçет. Нерва та çирĕп пулать, Вăй-хал та патварланать. Çĕр çырлин усси пысăк, Парĕ вăл çынна сывлăх. Пурăнăн ялан савăк, Тарĕ санран ватăлăх. Хамăр пахчари çырла Сĕнчĕ пире чашкипе: - Çийĕр,- тет ырла-ырла Ларнă чух тăвансемпе. Кекен ялĕ, Мелания Никифорова.