------------Оналаримиз тилидан...
------------
Тинчим бузулмоқда хавотирдаман,
Сарғайиб хас бўлди экилган лолам.
Йўлларинга муштоқ кўзларим гирён,
Мусофир юртларда тинчмисан болам?
Сувратинг қўлимда кўзларимда ёш,
Тақдир беаёвдир қисмат бағритош.
Ўтмай ҳам қолябди оғзимдаги ош,
Мусофир юртларда тинчмисан болам?
Қайларда юрибсан бормисан ўзи?
Тўрт мучанг бутмикан, соғмисан ўзи?
Йўлларингни пойлар Онангни кўзи,
Мусофир юртларда тинчмисан болам?
Бир бора мени хам ўйладингму айт?
Онангни бўзлатма кел ортинга қайт.
Тўлиб кетди ахир юрагимга байт,
Мусофир юртларда тинчмисан болам?
Сочларим қор мисол кетди оқариб,
Мендан ночори йўқ, мен бўлдим ғариб.
Ёш бир жувон эдим, қолдимку қариб,
Мусофир юртларда тинчмисан болам?
Куним хам ўтмайди, халоватсизман,
Сенсизлик оламда адолатсизман.
Мевасиз дарахтдек, сувсиз илдизман,
Мусофир юртларда тинчмисан болам?
Сени ўстирмадим шу кунга ахир,
Кечиргин сўзларим гар бўлса тахир.
Қўрқаман Аллохдан келмасин қахр,
Мусофир юртларда тинчмисан болам?
Юрагим урушдан тўхтаб қолмасдан,
Қаро ер бағрига мени олмасдан.
Келақол жон болам Онанг ўлмасдан,
Мусофир юртларда тинчмисан болам?
Юрагим тубида сенга кўп нолам,
Мусофир юртларда тинчмисан болам?
Присоединяйтесь к ОК, чтобы посмотреть больше фото, видео и найти новых друзей.
Комментарии 19