Биле жүрсөң болду

♥
Кайда катып алмакмын жалгызымды,
Ачыкка чыгарам жашырымды.
Өлсөм да,тынчтык алып жан дүйнөгө,
Кучактап жатаармын кабырымды.
♥
Билээрсин илгертен ашыгымды,
Түшүнсөң керек менин какшыгымды.
Жөн сүйлөсөм болдурап тилим буулат,
Ошондон эч таштабайм тамашамды.
♥
Ойлосом...ыр жазууга шыктанамын,
Күн улап өзүңүзгө суктанамын.
Улам эстеп ошондо салкын күндү,
Ичимден кыйла ирээт жылынамын.
♥
Тилегим өзүңүзгө жанашканга,
Түбөлүк жаныңызга жарашканга.
Ар күнү тагдырдан сурап коем,
Эки дүйнө бетме-бет карашканга...
♥
Сен билбесең мен билем кадырыңды,
Билип жүрчү сен дагы ачыгымды.
Ошентсе да сүйгүн деп байлабаймын,
Билсең болду мен сага ашыгымды...