Предыдущая публикация
Онамиздан хабар олиб келайлик...
Айтинг тугармикан дунё ташвиши,
Барча жон омонат шуни билайлик.
Бир кунга тўхтасин давлатнинг иши,
Онамиздан хабар олиб келайлик.
Биримиз шахарда биримиз чўлда,
Бола чақа дея йиғдикку бойлик.
Имконимиз бордир хозирча қўлда,
Юринглар Онамдан хабар олайлик.
Ўтди мана қиш, бошланди баҳор,
Биз эса хали хам бўшамаймиз хеч.
Қишлоқда сувларга тўлгандир анҳор,
Онамни йўқлайлик бўлмасидан кеч.
Мунисам сингилчам сен борсан рахмат,
Йўқлайсан Онамни билдирмай хар кун.
Бизларчи ойда бир кўрсатиб химмат,
Онамни кўргани бормаймиз нечун.
Сенга хам минг рахмат кенгжатой укам,
Хизматда турасан туну кун қоим.
Иши кўп ўзидан ортмас деб акам,
Онамнинг корига ярайсан доим.
Эртага, индинга демасдан ака,
Келинг эртагаёқ йўлга тушайлик.
Йиғилиб бир сингил, тўрт ака-ука,
Барчамиз Онамдан хабар олайлик.
*Улуғбек*
Следующая публикация
Нет комментариев