Дэкаратыўнасць посцілак паўплывала на іх выкарыстанне ў якасці фотафона пры стварэнні вясковых фотаздымкаў. Дзіцячыя, вясельныя, сямейныя і сяброўскія партрэты на фоне посцілак – асаблівая з'ява ў беларускай культуры, якая значна распаўсюдзілася ў пасляваенны час.
Прыезд у вёску вандроўнага фатографа ставаў сапраўднай падзеяй для вяскоўцаў. Але, у адрозненне ад студыйных фота, тут фонам выступалі сцяна хаты, брама альбо плот, якія трэба было ўпрыгожыць. І посцілкі падыходзілі тут як мага лепей. Яны стваралі атмасферу свята, падкрэслівалі ўрачыстасць моманту, прэзентавалі майстэрства гаспадыняў. А ўжо на фоне самой посцілкі разгортвалася "дзейства" - жыхары вёскі жадалі ў моманце захаваць сябе для нашчадкаў з лепшага боку. Ад таго і апраналіся ў лепшае, бралі ў рукі кветкі, музычныя інструменты, дэманстравалі набыты ровар ці мапед, стаялі ці сядзелі знарочыста пастановачна.
З ростам урбанізацыі ў 1970-я гг., пашэрэннем выкарыстання ў інтэр’еры фабрычных дываноў колькасць фотаздымкаў на фоне посцілак скарачаецца.
На выставе “Посцілка: дэкаратыўнае вымярэнне” прадстаўленыя сямейныя фотаздымкі на фоне посцілак, дываноў, якія вы даслалі нам адмыслова для выставы з розных куткоў. Мы ўдзячныя кожнаму, хто паўдзельнічаў у падрыхтоўцы нашага выставачнага праекта!
Калі ў вашых сямейных архівах захаваліся фотаздымкі на фоне посцілак, вы таксама можаце даслаць іх нам! Будзем захоўваць разам!
#посцілкі #Museum #Belarus #palacegоmel #Палац_Румянцавых_Паскевічаў #Дворец_Румянцевых_Паскевичей #выставка #дворец #Гомель
Присоединяйтесь к ОК, чтобы посмотреть больше фото, видео и найти новых друзей.
Нет комментариев