Предыдущая публикация
00:54
ОНА
Она, бунча озиб кетибсиз,
Либосингиз кенгайганми ё?
Кўтаролмай ташвишларини
Сизга ортиб қўйдими дунё?
Эҳ бу дунё, қанчалар танти,
Ўзидан ҳам катта ғами бор.
Бир кам деса ишонмайман йўқ,
Битта эмас, минг бир ками бор.
Она, сизнинг кўнглингиз осмон,
Лекин нозик елкаларингиз.
Тоғлардан ҳам оғир ташвишни
Қандай қилиб елкаладингиз?!
Изн беринг, бўлайин тиргак,
Бирозгина ором олинг сиз.
Йўқ, яхшиман, дейсиз жилмайиб
Нени ўйлар хаёлларингиз?
“Сизлар дунём, сизлар бор экан,
Йўлолмайди менга ҳеч қайғу”.
Дунёдан кенг ташвишларимиз,
Сизга тунлар бермайди уйқу.
Дунёнинг тўрт томони бордир,
Тўлиб борар, сабр деган жом.
Сизнинг бешта дунёингиз бор,
Ахир қандай оласиз ором?!
Она, бунча озиб кетибсиз...
•┈Х•┈а•┈ё•┈т•❁🌹❁•┈у•┈ч•┈у•┈н•
Следующая публикация
Нет комментариев