Июльла 30-чиб Гl.

Батирайла уличилси Даргала театрли М.Лермонтовла «Нушала заманала игит» бикlуси романна чебкад, 1962 ибил дуслизиб, Нина Гlялибеговани белкlунси пьеса хlясибли кабихьибси «Бэла» бикlуси спектакль бегl гьалаб/премьера/чебаахъиб. Ил жагьси режиссёр Рабадан Ильясовли кабихьили саби.
Спектакльли даргала жамигlят дуньяла культураличил бархбалсахъули саби. Дай дуцlрумла, бахъалгъунти адамтани бамсриихъуси замана биъниличи хlерхlеили, гьарли-марти драматургия дигути дарганти спектакльличи бакlилри. Даргала театрла кlиибил наслула гlяртистуни, гьаннала замана, сценаличиб бурсидеш касили, чула пагьму вавалибяхъибси даражаличиб саби или бурес вирар.
Дебали далдикибти палтарличил гlеббуцили, хlербикlутала гьалар гьаргдирути сипатуначи балбикибти гlяртистуни чеббикlили, нушала гlяртистунани, сценаличир гьарли-марти 19 ибил даршдусла Кавказла ва Россияла ургарти бархбасуни лямцlдикlули чедиахьулри.
Илаб гьай-гьайра даргала драмматургияла хала дудеш Мустапа Ибрагьимовла кумекра, пикрира гlячихъли чедиулри. Дарган мезличи пьеса М.Хаттаевали шурбатурси саби. Бурес чебиркур дарган мезличил, даргала жагьти гlяртистунани бегl гьалаб «Бэла» бикlуси спектакль кабихьибси биъниличилара.
Муъминат Хаттаева.